நடிகர் அஜித்குமார் அடுத்ததாக ஆதிக் ரவிச்சந்திரன் இயக்கத்தில் நடிக்கவுள்ளது ஏறக்குறைய உறுதியாகிவிட்ட நிலையில், இந்தப் படத்தில் யார் யார் நடிக்க போகிறார்கள் என்ற தகவல் வெளியாகி சினிமா வட்டாரத்தில் பரபரப்பை ஏற்படுத்தியுள்ளது.

அஜித்தின் நடிப்பில், ஆதிக் ரவிச்சந்திரன் இயக்கிய 'குட் பேட் அக்லி' திரைப்படம் வசூலில் சக்கை போடு போட்டது. அந்த வெற்றியை தொடர்ந்து, இருவரும் மீண்டும் இணைந்துள்ளனர். இது அஜித்தின் 64வது படமாக உருவாகும் என்றும், இதன் படப்பிடிப்பு வரும் நவம்பர் மாதம் தொடங்கும் என்றும் செய்திகள் பரவி வருகின்றன.

தற்போது கிடைத்துள்ள தகவலின்படி, 'ஏகே 64' படத்தில் மலையாளத்தின் உச்ச நட்சத்திரமான மோகன்லால் ஒரு முக்கிய கதாபாத்திரத்தில் நடிக்க பேச்சுவார்த்தை நடந்து வருகிறது. ஏற்கனவே, சூப்பர் ஸ்டார் ரஜினிகாந்தின் 'ஜெயிலர்', தளபதி விஜய்யின் 'ஜில்லா' படங்களில் மோகன்லால் நடித்திருக்கும் நிலையில், அஜித்துடன் அவர் இணைவது உறுதியானால், இந்தப் படத்தின் மீதான எதிர்பார்ப்பு வேற லெவலுக்கு செல்லும் என்பதில் சந்தேகமில்லை.

அதுமட்டுமல்லாமல், இந்தப் படத்திற்கு நாயகியாக ஸ்ரீநிதி ஷெட்டியுடன் படக்குழு பேச்சுவார்த்தை நடத்தி வருவதாகவும் கூறப்படுகிறது. விரைவில், இந்தப் படத்தின் நட்சத்திர குழு குறித்த அதிகாரப்பூர்வ அறி