மலையாள சூப்பர் ஸ்டார் மோகன்லால் நடிப்பில் கடந்த மார்ச் மாதம் வெளியாகி சூப்பர்ஹிட் ஆன 'லூசிஃபர் திரைப்படத்தின் இரண்டாம் பாக டைட்டில் தற்போது அறிவிக்கப்பட்டுள்ளது. இந்த படத்திலும் மோகன்லால்-பிரித்விராஜ் கூட்டணி மீண்டும் இணைகிறது

மோகன்லால், மஞ்சுவாரியர், விவேக் ஓபராய், பிரித்விராஜ், டொவினோ தாமஸ் உள்ளிட்ட பலர் நடித்த 'லூசிஃபர் உலகம் முழுவதும் சூப்பர்ஹிட்டானது. இந்த படம் உலகம் முழுவதும் சுமார் ரூ.175 கோடி வசூலாகியது

நடிகர் பிரித்விராஜ் இயக்கிய முதல் படமான இந்த படம் ஒரு அரசியல் ஆக்சன் படமாகும். ஒரு மாநில முதல்வர் திடீரென காலமான பின்னர் அவரது வளர்ப்பு மகனும், மருமகனும் அதிகாரத்தை கைப்பற்ற நடக்கும் போராட்டம் தான் இந்த படத்தின் கதை

இந்த நிலையில் 'லூசிஃபர் படத்தின் வெற்றிக்கு பின் இந்த படத்தின் இரண்டாம் பாகம் வெளிவர வேண்டும் என்று மோகன்லாலில் ரசிகர்கள் பலர் கோரிக்கை விடுத்தனர். இதனையடுத்து தற்போது இரண்டாம் பாகத்தின் டைட்டில் அறிவிக்கப்பட்டுள்ளது. 'எம்புரான்' (EMPURAAN ) என்பதுதான் இந்த படத்தின் டைட்டில் ஆகும். இந்த படம் அடுத்த ஆண்டு வெளியாகவுள்ளது