రేవంత్ రెడ్డికి కరోనా పాజిటివ్
- IndiaGlitz, [Tuesday,March 23 2021]
తెలంగాణలో కరోనా మహమ్మారి మరోసారి విజృంభిస్తోంది. ఇటీవలి కాలంలో కొద్ది నెలలుగా కరోనా విషయంలో ఇలాంటి వార్తలేమీ వినిపించలేదు. దాదాపు కరోనా కేసులన్నీ తగ్గిపోవడంతో దీని గురించిన వార్తలు కూడా పూర్తిగా తగ్గిపోయాయి. తిరిగి మరోసారి దేశ వ్యాప్తంగా మహమ్మారి విజృంభిస్తుండటంతో కరోనా వార్తలు హైలైట్ అవుతున్నాయి. తాజాగా మల్కాజిగిరి ఎంపీ, టీపీసీసీ వర్కింగ్ ప్రెసిడెంట్ రేవంత్ రెడ్డికి కరోనా బారిన పడ్డారు. ఈ విషయాన్ని ఆయన స్వయంగా వెల్లడించారు.
తాజాగా రేవంత్ రెడ్డి కరోనా బారిన పడ్డారు. తనకు కరోనా పాజిటివ్‌గా నిర్ధారణ అయిందని రేవంత్ ట్విటర్ ద్వారా వెల్లడించారు. డాక్టర్ల సూచన మేరకు ఐసోలేషన్‌లోకి వెళుతున్నట్టు ట్వీట్ చేశారు. గత కొన్ని రోజులుగా తనతో పాటు ఉన్న వారు తగు జాగ్రత్తలు తీసుకోవాలని రేవంత్ సూచించారు. ‘‘నాకు కరోనా పాజిటివ్‌గా నిర్ధారణ అయింది. ప్రస్తుతం వైద్యుల సూచనల మేరకు హోం ఐసోలేషన్‌లో ఉన్నాను. కొద్ది రోజులుగా నన్ను కలిసిన వారందరూ తప్పనిసరిగా అవసరమైన జాగ్రత్తలు తీసుకోండి’’ అని రేవంత్ ట్వీట్ చేశారు.