close
Choose your channels

அவளுக்கான உலகத்தை நான் அமைத்துக் கொடுப்பேன்: பிரபல நடிகர் உறுதி

Wednesday, May 20, 2020 • தமிழ் Comments

பிரபல தொலைக்காட்சி நடிகர் சஞ்சீவ் கார்த்திக் மற்றும் ஆலியா மானசா ஆகிய இருவரும் தொலைக்காட்சி தொடர்களில் ஒன்றாக நடித்தபோது, இருவருக்கும் காதல் ஏற்பட்டு கடந்த சில மாதங்களுக்கு முன்னர் திருமணம் செய்து கொண்டனர் என்பது தெரிந்ததே. இந்த நட்சத்திர தம்பதிக்கு சமீபத்தில் அழகான மகள் பிறந்தார்.

இந்த நிலையில் முதன்முதலாக மருத்துவமனையில் மகளை கையில் தூக்கி வைத்துக் கொண்ட புகைப்படம் ஒன்று தற்போது சஞ்சீவ் கார்த்திக் தனது சமூக வலைத்தளத்தில் பகிர்ந்து கொண்டார். இந்த பதிவில் அவர் ’என் மகள் என் வாழ்க்கையில் கிடைத்த மிகப்பெரிய பொக்கிஷம் என்றும் அவளுக்கான உலகத்தை நான் அமைத்து கொடுப்பேன் என்றும் ஒரு பொறுப்பான தந்தையாக செயல்படுவேன் என்றும் அவர் குறிப்பிட்டுள்ளார்.

முதல் முறையாக மகளை தூக்கி வைத்துக் கொண்டுள்ள நடிகர் சஞ்சிவீன் இந்த புகைப்படம் தற்போது சமூக வலைதளங்களில் வைரல் ஆகி வருகிறது. மேலும் இந்த குழந்தைக்கு ஒரு நல்ல பொறுப்பான அப்பா கிடைத்துள்ளார் என்றும் நெட்டிசன்கள் பாராட்டி வருகின்றனர்.

Get Breaking News Alerts From IndiaGlitz