இயேசு கிறிஸ்துவின் வாழ்க்கை வரலாற்றை மையமாக வைத்து உருவாக்கப்பட்டதாக கூறப்படும் ஹாலிவுட் திரைப்படம் ‘தி டாவின்சி கோட். இந்த திரைப்படம் உலகம் முழுவதும் சூப்பர் ஹிட் ஆனது என்றாலும் இந்த படத்திற்கு மிகப்பெரிய எதிர்ப்பும் இருந்தது என்பதும் ஒருசில நாடுகளில் இந்த படம் தடை செய்யப்பட்டது என்பதும் குறிப்ப்பிடத்தக்கது.

இந்த நிலையில் ‘தி டாவின்ஸி கோட்’ போன்றது தனது அடுத்த படம் என பிரபல தயாரிப்பாளர் மற்றும் இயக்குனர் சிவி குமார் தெரிவித்துள்ளார். ’அட்டகத்தி’ ’பீட்சா’ ’சூதுகவ்வும்’ ’தெகிடி’ ’முண்டாசுபட்டி’ உள்பட பல வெற்றித் திரைப்படங்களை தயாரித்தவரும் ’மாயவன்’ மற்றும் ’கேங்க்ஸ் ஆஃப் மெட்ராஸ்’ ஆகிய திரைப்படங்களை இயக்கியவருமான சிவி குமார் தனது அடுத்த படம் குறித்த அறிவிப்பை தனது சமூக வலைத்தளத்தில் வெளியிட்டுள்ளார்.

இன்னும் டைட்டில் வைக்கப்படாத இந்த படம் ‘தி டாவின்ஸி கோட்’ போல் ஒரு அட்வென்சர் திரைப்படம் என்றும் ராஜேஷ் இந்த படத்தின் நாயகனாக நடிக்கவிருப்பதாகவும் குறிப்பிட்டுள்ளார். மேலும் டேனியல் பாலாஜி, வேலு பிரபாகரன் உள்பட பலர் நடிக்கும் இந்த திரைப்படத்திற்கு பிரகாஷ் ருத்ரா என்பவர் ஒளிப்பதிவு செய்ய இருப்பதாகவும் அஸ்வின் படத்தொகுப்பு பணி செய்ய இருப்பதாகவும் தெரிவித்துள்ளார்.

தி டாவின்சி கோட்’ படத்தை பார்த்து அதன் பாதிப்பால் ஒரு கதையை எழுதி உள்ளதாகவும் வரலாற்றை மையமாக படுத்தியுள்ள இந்த கதையில் அறிவியல் அம்சமும் இருக்கும் என்றும் அவர் குறிப்பிட்டுள்ளார்.