close
Choose your channels

சசிகலாவை சீமானும் சந்தித்தார்: அரசியல் ஆட்டம் ஆரம்பமாகிவிட்டதா?

Wednesday, February 24, 2021 • தமிழ் Comments

சொத்துக்குவிப்பு வழக்கில் இருந்து சமீபத்தில் விடுதலையான சசிகலா, கொரோனா வைரஸ் பாதிப்பு காரணமாக கடந்த சில நாட்களாக முழு ஓய்வில் இருந்தார். இதனை அடுத்து இன்னும் ஒரு சில நாட்களில் அவர் தனது அரசியல் ஆட்டத்தை தொடங்குவார் என்று அரசியல் விமர்சகர்கள் ஏற்கனவே கணித்திருந்தனர்.

அந்த வகையில் இன்று அடுத்தடுத்து பிரபலங்கள் சசிகலாவை சந்தித்து வருவது தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது. முதலில் சசிகலாவை நடிகரும் அகில இந்திய சமத்துவ மக்கள் கட்சி தலைவருமான சரத்குமார் சந்தித்தார். அவரை தொடர்ந்து இயக்குனர் இமயம் பாரதிராஜா சசிகலாவை சந்தித்தார்.

இந்த சந்திப்புகளை அடுத்து தற்போது நாம் தமிழர் கட்சியின் ஒருங்கிணைப்பாளர் சீமான் சசிகலாவை சந்தித்துள்ளார். ஏற்கனவே சீமான் 234 தொகுதிகளிலும் தனித்து போட்டி என்று சீமான் அறிவித்துள்ள நிலையில் தற்போது சசிகலாவை சந்தித்து இருப்பது பல்வேறு அரசியல் யூகங்களை ஏற்படுத்தியுள்ளது.

சசிகலாவின் அமமுக தலைமையில் ஒரு புதிய கூட்டணி உருவாகுமா? அந்த கூட்டணியில் சரத்குமார், சீமான் கட்சிகள் உள்பட ஒரு சில கட்சிகள் இணையுமா? என்பதை பொறுத்திருந்து பார்ப்போம்.

பிரபலங்களை அடுத்தடுத்து சந்தித்து வருவதை பார்க்கும்போது சசிகலா தனது அரசியல் ஆட்டத்தை ஆரம்பித்துவிட்டதாகவே தெரிகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz