ఈ సారి వెంకీతో చైతన్య
- IndiaGlitz, [Friday,September 08 2017]
త‌న మేన‌ల్లుడు నాగ‌చైత‌న్య కోసం 'ప్రేమ‌మ్' చిత్రంలో స్పెష‌ల్ అప్పీరియ‌న్స్ ఇచ్చారు సీనియ‌ర్ స్టార్ హీరో వెంక‌టేష్‌. మ‌రోసారి చైతన్య తో క‌లిసి న‌టించేందుకు వెంకీ సిద్ధ‌మ‌య్యారు. అయితే ఇది మ‌ల్టీ స్టార‌ర్ సినిమా కాదులెండి.
విశేష‌మేమిటంటే..త‌న సినిమాలో ఇప్ప‌టికే గెస్ట్ రోల్ చేసిన మావ‌య్య కోసం.. మావ‌య్య హీరోగా న‌టించ‌నున్న కొత్త సినిమాలో ఈ సారి తానే గెస్ట్ అవుతున్నాడు చైతు. 'సోగ్గాడే చిన్ని నాయ‌నా', 'రారండోయ్ వేడుక చూద్దాం' చిత్రాలతో స‌క్సెస్‌ఫుల్ డైరెక్టర్ అనిపించుకున్న క‌ళ్యాణ్ కృష్ణ ఈ చిత్రాన్ని తెర‌కెక్కించ‌నున్నాడు. క‌ళ్యాణ్ గ‌త చిత్రాల‌లాగే ఇది కూడా కుటుంబ‌క‌థా చిత్రంగా తెర‌కెక్క‌నుంది. ఈ చిత్రానికి సంబంధించిన పూర్తి వివరాలు త్వ‌ర‌లోనే వెల్ల‌డ‌వుతాయి.