చైతు ఫంక్ష‌న్‌కు అతిథులుగా...
- IndiaGlitz, [Wednesday,September 05 2018]
నాగ‌చైత‌న్య, అను ఇమ్మాన్యుయేల్ జంటగా న‌టిస్తున్న చిత్రం 'శైల‌జారెడ్డి అల్లుడు'. 'మ‌హానుభావుడు' వంటి ఘ‌న‌విజ‌యం త‌రువాత మారుతి దర్శకత్వంలో రూపొందుతున్న చిత్రమిది. సినిమాలో ర‌మ్య‌కృష్ణ అత్త పాత్ర పోషిస్తోంది. సితార ఎంట‌ర్‌టైన్‌మెంట్స్ ప‌తాకంపై సూర్య దేవ‌ర నాగ‌వంశీ నిర్మిస్తున్న ఈ సినిమాకి గోపీసుంద‌ర్ సంగీత‌మందిస్తున్నారు.
ప్రస్తుతం సినిమా పోస్ట్ ప్రొడ‌క్ష‌న్ కార్య‌క్ర‌మాలు శ‌ర‌వేగంగా జ‌రుగుతున్నాయి. ప్రస్తుతం నాగ‌చైత‌న్య డబ్బింగ్ కూడా చెబుతున్నాడు. కాగా సినిమా ఆగ‌స్ట్ 31 నుండి సెప్టెంబ‌ర్ 13 కు పోస్ట్ పోన్ అయింది. రీ షూట్స్ జ‌రిగాయి. ఈ సినిమా ప్రీ రిలీజ్ వేడుక సెప్టెంబ‌ర్ 9న హైద‌రాబాద్‌లో జ‌ర‌గ‌నుంది. ఈ వేడుక‌కి నిర్మాత‌ల అభ్య‌ర్థ‌న మేర కింగ్ నాగార్జున, నేచుర‌ల్ స్టార్ నాని అతిథులుగా విచ్చేయ‌నున్నార‌ని స‌మాచారం.