సాహసం శ్వాసగా సాగిపో రిలీజ్ ఎప్పుడో చెప్పిన చైతన్య..!
- IndiaGlitz, [Thursday,October 06 2016]
అక్కినేని నాగ చైతన్య న‌టించిన తాజా చిత్రం ప్రేమ‌మ్. ఈ చిత్రాన్ని చందు మొండేటి తెర‌కెక్కించారు. సితార ఎంటర్ టైన్మెంట్స్ బ్యానర్ పై సూర్య‌దేవ‌ర నాగ‌వంశీ ఈ చిత్రాన్ని నిర్మించారు. ఫీల్ గుడ్ ల‌వ్ స్టోరీగా రూపొందిన ప్రేమ‌మ్ ద‌స‌రా కానుక‌గా ఈనెల 7న ప్ర‌పంచ వ్యాప్తంగా రిలీజ్ అవుతుంది. అయితే...ఈ సినిమా క‌న్నా ముందు చైతన్య న‌టించిన సాహసం శ్వాసగా సాగిపో రిలీజ్ కావాలి. కానీ...కొన్ని కార‌ణాల వ‌ల‌న సాహసం శ్వాసగా సాగిపో ఇప్ప‌టి వ‌ర‌కు రిలీజ్ కాలేదు. అలాగే ప్రేమ‌మ్, సాహసం శ్వాసగా సాగిపో చిత్రాల‌ను ఒకేరోజున రిలీజ్ చేయ‌నున్న‌ట్టు గ‌తంలో ప్ర‌క‌టించారు. ఆత‌ర్వాత రిలీజ్ డేట్స్ మార్చారన్న విష‌యం తెలిసిందే.
అస‌లు ఎందుకిలా జ‌రిగింది అని చైత‌న్య‌ను అడిగితే...నా రెండు సినిమాలను ఒకేసారి రిలీజ్ చేయ‌కూడ‌దు అలా చేస్తే రెండు సినిమాల‌కు న‌ష్టం క‌లుగుతుంది. అందుకే ఒకేరోజున రెండు సినిమాలను రిలీజ్ కాకుండా చూసాను. ఇక ఎప్పుడు రిలీజ్ చేస్తారంటే...తెలుగు వెర్షెన్ అంతా రెడీగా ఉంది. త‌మిళ్ వెర్షెన్ కొంచెం షూటింగ్ పార్ట్ బ్యాలెన్స్ ఉంది.త్వ‌ర‌లో షూటింగ్ పూర్తి చేసి తెలుగు, త‌మిళ్ లో ఒకేసారి రిలీజ్ చేయ‌డానికి ప్లాన్ చేస్తున్నాం. ప్రేమ‌మ్ రిలీజ్ అయిన మూడు వారాల‌కు సాహసం శ్వాసగా సాగిపో రిలీజ్ చేయాల‌నుకుంటున్నాం అని తెలియ‌చేసారు చైతు..!