நாக சைதன்யா-சமந்தா திருமணம் எப்போது? நாகார்ஜூனே தகவல்
- IndiaGlitz, [Tuesday,September 06 2016]
பிரபல தெலுங்கு நடிகர் நாகார்ஜூனன் மகன் நாக சைதன்யாவுக்கும் நடிகை சமந்தாவுக்கு விரைவில் திருமணம் நடைபெறவுள்ளது என்ற தகவல் ஏற்கனவே உறுதியாகியுள்ள நிலையில் திருமண தேதி குறித்து பல்வேறு செய்திகள் ஊடகங்களில் வெளியாகி வருகிறது.
இந்நிலையில் நாகார்ஜூனன் இளையமகன் அகில் மற்றும் அவரது நீண்ட நாள் தோழி ஸ்ரேயாவுக்கும் திருமண நிச்சயதார்த்தம் முடிந்துவிட்டதாகவும் கூறப்படுகிறது.
இந்நிலையில் சமீபத்தில் பத்திரிகையாளர்களை சந்தித்த நாகார்ஜூன கூறியபோது, 'தனது இரண்டு மகன்களும் தங்களது வாழ்க்கை துணைகளை தேர்ந்தெடுத்துவிட்டார்கள் என்பது உண்மைதான். ஆனால் அதே நேரத்தில் திருமண தேதி இன்னும் முடிவு செய்யப்படவில்லை. இதுகுறித்த உண்மையான தகவலை நான் அறிவிக்கும்வரை அனைவரும் பொறுமை காக்கவேண்டும் என்று கூறியுள்ளார்.
அனேகமாக நாகசைதன்யா-சமந்தா திருமணம் அடுத்த ஆண்டு நடைபெறும் என தெரிகிறது.