ఓం నమో వేంకటేశాయ రిలీజ్ ఎప్పుడో చెప్పిన నాగార్జున..!
- IndiaGlitz, [Tuesday,September 06 2016]
న‌వ‌ర‌స స‌మ్రాట్ నాగార్జున - ద‌ర్శ‌కేంద్రుడు రాఘ‌వేంద్ర‌రావు కాంబినేష‌న్ లో రూపొందుతున్న భ‌క్తిర‌స చిత్రం ఓం నమో వేంకటేశాయ. ఈ చిత్రాన్ని శిరిడి సాయి చిత్ర నిర్మాత మ‌హేష్ రెడ్డి నిర్మిస్తున్నారు. ఈ భ‌క్తిర‌స చిత్రంలో అందాల తార‌లు అనుష్క, ప్ర‌గ్యా జైస్వాల్ ముఖ్య‌పాత్ర‌లు పోషిస్తున్నారు. ఇంత‌కీ..ఓం నమో వేంకటేశాయ ఎప్పుడు ప్రేక్ష‌కుల ముందుకు వ‌స్తుంది అని నాగార్జున‌ను అడిగితే...రాఘ‌వేంద్ర‌రావు గారు ఏమాత్రం రాజీప‌డ‌కుండా భ‌క్తి శ్ర‌ద్ద‌ల‌తో ఈ చిత్రాన్ని తెర‌కెక్కిస్తున్నారు.
సినిమా చాలా బాగా వ‌స్తుంది. అలాగే కీర‌వాణి గారు అద్భుత‌మైన సంగీతాన్ని అందిస్తున్నారు. ఇక సినిమా రిలీజ్ విష‌యానికి వ‌స్తే... సంక్రాంతికి రిలీజ్ చేయాల‌నుకుంటున్నాం. అయితే...ముందు డేట్ ఎనౌన్స్ చేసి ఆత‌ర్వాత మార్చ‌డం ఇష్టం లేదు. అందుచేత అంతా ప‌క్కాగా రెడీ అయిన త‌ర్వాత ఎప్పుడు రిలీజ్ అనేది ఎనౌన్స్ చేస్తాం అని తెలియ‌చేసారు. సో...అన్నీ అనుకున్న‌ట్టు జ‌రిగితే...ఓం నమో వేంకటేశాయ సంక్రాంతికి ప్రేక్ష‌కుల ముందుకు వ‌చ్చే అవ‌కాశం ఉంది..!