ప్రేమమ్ అర్ధం ఏమిటో చెప్పిన నాగ్..!
- IndiaGlitz, [Wednesday,September 21 2016]
అక్కినేని నాగ‌చైత‌న్య న‌టిస్తున్న తాజా చిత్రం ప్రేమమ్. ఈ చిత్రాన్ని కార్తికేయ ఫేమ్ చందు మొండేటి తెర‌కెక్కించారు. సితార ఎంట‌ర్ టైన్మెంట్ బ్యాన‌ర్ పై సూర్య‌దేవ‌ర నాగ‌వంశీ ఈ చిత్రాన్ని నిర్మించారు. గోపీ సుంద‌ర్, రాజేష్ మురుగేష‌న్ సంగీతం అందించిన ప్రేమమ్ ఆడియో రిలీజ్ కార్య‌క్ర‌మంలో కింగ్ నాగార్జున మాట్లాడుతూ ప్రేమమ్ అంటే అర్ధం ఏమిటో చెప్పారు. ఇంత‌కీ నాగ్ ఏం చెప్పారంటే...మ‌న భాష‌ల‌న్నింటికి మూల‌మైన సంస్కృతంలో ప్రేమమ్ అంటే ప్రేమ అని అర్ధం.
ఈ విష‌యాన్ని మొన్నే తెలుసుకున్నాను. ఇక ప్రేమమ్ సినిమా గురించి చెప్పాలంటే...నాన్న‌గారికి దేవ‌దాసు, ప్రేమాభిషేకం, నాకు గీతాంజ‌లి చిత్రాలు ఎంత పేరు తీసుకువ‌చ్చాయో తెలిసిందే. ఆ చిత్రాల వ‌లే చైతుకు ప్రేమమ్ చిత్రం మంచి పేరు తీసుకువ‌స్తుంది అని ఆశిస్తున్నాను అని తెలియ‌చేసారు.