నాగ్ వర్సెస్ తమన్నా.. క్షమాపణ చెప్పించిన కింగ్!
- IndiaGlitz, [Sunday,August 11 2019]
బిగ్‌బాస్ హౌస్‌లో జర్నలిస్టులపై ట్రాన్స్‌జెండర్ తమన్నా సింహాద్రి అనుచిత వ్యాఖ్యలు చేసిన సంగతి తెలిసిందే. అయితే శనివారం నాడు హౌస్‌లోకి ఎంటరైన కింగ్ నాగార్జున తమన్నాపై నాగార్జున తీవ్ర ఆగ్రహం వ్యక్తం చేశారు. వెంటనే జర్నలిస్టులకు చెప్పాలని ఆదేశించి.. దగ్గరుండి మరీ మీడియాకు క్షమాపణలు చెప్పించాడు. కాగా.. శివజ్యోతి అలియాస్ తీన్మార్ సావిత్రితో తమన్నా గొడవ పడిన సందర్భంలో ఆమె జర్నలిస్టులపై తీవ్ర వ్యాఖ్యలు చేసింది. జర్నలిస్టులు అందరూ యాక్టింగ్ చేస్తారని, శివజ్యోతి కూడా యాక్టింగ్ చేస్తోందని, జర్నలిజం ఒక యాక్టింగ్ అని తమన్నా వ్యాఖ్యానించింది. ఈ వ్యాఖ్యలను సీరియస్‌గా తీసుకున్న నాగ్ శనివారం నాడు జరిగిన ఎపిసోడ్‌లో క్షమాపణ చెప్పించారు.
‘ఎందుకలా నోరు పారేసుకున్నావ్’ అని నాగ్ ప్రశ్నించడంతో కంగుతిన్న తమన్నా.. తానేం అలా అనలేదని తప్పును కప్పిపుచ్చుకునేందుకు యత్నించింది. దీంతో మరోసారి నాగ్ ఆగ్రహానికి లోను కావాల్సింవచ్చింది. అయితే తమన్నా హౌస్‌లో ఏమేం మాట్లాడిందో అంతా వీడియో క్లిప్‌లో చూపించడంతో ఆమె నోటి నుంచి మాటలు రాలేదు. వీడియో చూసిన తర్వాత ఒకింత తమన్నా నవ్వడంతో..‘ అప్పుడేమో జర్నలిజం ఒక యాక్టింగ్ అని, ఇప్పుడు ముసుముసిగా నవ్వుతున్నావా’ అంటూ ఆగ్రహం వ్యక్తం చేశారు. దీంతో స్పందించిన తమన్నా.. తాను నవ్వడం లేదని, చేసిన తప్పుకు సిగ్గుపడుతున్నానని చెప్పుకొచ్చింది. ఇలా సుమారు అరగంటపాటు ఈ ఎపిసోడ్‌లో నాగ్-తమన్నా మధ్య డిస్కషనే సరిపోయింది.