நடிகர் நகுல் நிச்சயதார்த்தம்
- IndiaGlitz, [Saturday,November 14 2015]
இயக்குனர் ஷங்கர் இயக்கத்தில் கடந்த 2003ஆம் ஆண்டு வெளிவந்த 'பாய்ஸ்' படத்தில் அறிமுகமானவர் நடிகர் நகுல். இவர் நடிகை தேவயானியின் சகோதரர் என்பதும் குறிப்பிடத்தக்கது.
பாய்ஸ்' படத்தை அடுத்து இவர் காதலில் விழுந்தேன்', மாசிலாமணி', 'கந்தகோட்டம்', நான் ராஜாவாக போறேன்', வல்லினம்', தமிழுக்கு எண் 1ஐ அழுத்தவும் ஆகிய படங்களில் ஹீரோவாக நடித்துள்ளார்.
இந்நிலையில் இன்று நடிகர் நகுலுக்கும், ஸ்ருதி பாஸ்கர் என்ற பெண்ணுக்கும் சென்னையில் திருமண நிச்சயதார்த்தம் நடந்துள்ளது. நிச்சயதார்த்ததின்போது இருவரும் மோதிரம் மாற்றி கொண்ட புகைப்படங்கள் சமூக இணையதளங்களில் வெளிவந்துள்ளது.
நடிகர் நகுல் தற்போது 'அமளி துமளி' மற்றும் 'நாரதன்' ஆகிய படங்களில் நடித்துள்ளார். இவற்றில் 'நாரதன்' ரிலீஸுக்கு தயாராக உள்ளது என்பது குறிப்பிடத்தக்கது.