నాని డబుల్ 'ధమాకా'
- IndiaGlitz, [Tuesday,February 16 2016]
కృష్ణ‌గాడి వీర ప్రేమ‌గాథ' చిత్రంతో భారీ విజ‌యాన్ని సొంతం చేసుకున్న హీరో నాని ఇప్పుడు ఇంద్ర‌గంటి మోహ‌న‌కృష్ణ ద‌ర్శ‌క‌త్వంలో ఓ సినిమా చేస్తున్న సంగ‌తి తెలిసిందే. ఈ చిత్రంలో నాని డబుల్ రోల్ చేస్తున్నాడ‌ట. ప్రస్తుతం సినిమా చిత్రీక‌ర‌ణ ద‌శ‌లో ఉంది. బందిపోటు' చిత్రం త‌ర్వాత ఇంద్ర‌గంటి మోహ‌న‌కృష్ణ ద‌ర్శ‌క‌త్వంలో వ‌స్తున్న సినిమా ఇది. అంతే కాకుండా అష్టాచ‌మ్మా' త‌ర్వాత నాని, ఇంద్ర‌గంటిల కాంబినేషన్లో వ‌స్తున్న సినిమా ఇది. ఈ చిత్రానికి ధమాకా' అనే టైటిల్‌ను ప‌రిశీలిస్తున్నార‌ట. ఈ చిత్రంలో నివేదిత థామ‌స్‌, సుర‌భి హీరోయిన్స్‌గా న‌టిస్తున్నారు.