నేచుర‌ల్ స్టార్ నాని క‌థానాయ‌కుడిగానే కాదు.. ప్రొడ‌క్ష‌న్‌లోకి కూడా అడుగు పెట్టిన సంగ‌తి తెలిసిందే. వాల్ పోస్ట‌ర్ సినిమా బ్యాన‌ర్‌ఫై నాని ఇప్ప‌టి వ‌ర‌కు రెండు సినిమ‌ల‌ను నిర్మించిన సంగ‌తి తెలిసిందే. అందులో ఒక‌టి అ!, మ‌రో సినిమా హిట్ సినిమా. ఈ రెండు సినిమాలూ మంచి విజ‌యాన్ని సాధించాయి. ఇప్పుడు నాని మూడో సినిమా నిర్మించ‌బోతున్నాడ‌ని స‌మాచారం. డైరెక్ట‌ర్ ద‌శ‌ర‌థ్ రీసెంట్‌గా నానితో మీటింగ్ ఏర్పాటు చేసుకుని క‌థ‌ను వివ‌రించాడ‌ట‌. నానికి క‌థ బాగా న‌చ్చింద‌ని టాక్‌. అయితే ఈ సినిమా త‌న కంటే చైత‌న్య‌కు బాగా వ‌ర్క‌వుట్ అవుతుంద‌ని ఆయ‌న భావిస్తున్నార‌ట‌.

ఎలాగూ చైత‌న్య ప్ర‌స్తుతం శేఖ‌ర్ క‌మ్ముల ద‌ర్శ‌త‌క్వంలో ల‌వ్‌స్టోరి సినిమా చేశాడు. ఈ సినిమా త‌ర్వాత చైత‌న్యకి కూడా మ‌రో సినిమా లేదు. దిల్‌రాజు బ్యాన‌ర్‌లో చైత‌న్య సినిమా చేస్తాడ‌ని వార్త‌లు వచ్చాయి. అలాగే లేటెస్ట్‌గా ఇప్పుడు నాని సినిమాలో చైత‌న్య న‌టిస్తాడ‌ని అంటున్నారు. ప‌రిమిత బ‌డ్జెట్‌లోనే ఈ సినిమా రూపొంద‌నుంది. అలాగే ఈ సినిమా ద‌శ‌ర‌థ్ మార్క్ స్టైల్ ఆఫ్ ఫ్యామిలీ ఎమోష‌న్స్‌తో సినిమా రూపొంద‌నుంద‌ని అంటున్నారు. మ‌రి క‌రోనా ప్ర‌భావం త‌గ్గిన త‌ర్వాతే ఈ సినిమాపై ఓ క్లారిటీ రానుంది.