பாஜகவில் இணைந்த பிரபல வில்லன் நடிகர்
- IndiaGlitz, [Wednesday,June 14 2017]
நாட்டாமை, முத்து, துள்ளாத மனமும் துள்ளும், முகவரி, உள்ளிட்ட பல திரைப்படங்களில் வில்லன் கேரக்டரில் நடித்தவர் நடிகர் பொன்னம்பலம். தமிழ், தெலுங்கு, மலையாளம், கன்னடம் என ஆயிரம் படங்களுக்கும் மேல் நடித்த இவர் தற்போது அரசியலிலும் நுழைந்துள்ளார்.
இன்று மத்திய அமைச்சர் பொன்.ராதாகிருஷ்ணன் முன்னிலையில் தன்னை பாஜகவில் இணைத்து கொண்ட பொன்னம்பலம், பாஜகவின் அடிப்படை உறுப்பினார் ஆனார்.
ஏற்கனவே பாஜகவில் விசு, காயத்ரி ரகுராம், கங்கை அமரன் உள்ளிட்ட கோலிவுட் பிரபலங்கள் இணைந்துள்ள நிலையில் தற்போது பொன்னம்பலமும் பாஜகவில் இணைந்துள்ளர் என்பது குறிப்பிடத்தக்கது.