அல்போன்ஸ் புத்திரன் அடுத்த படத்தில் நயன்தாரா? ஹீரோ யார் தெரியுமா?
- IndiaGlitz, [Wednesday,August 18 2021]
லேடி சூப்பர் ஸ்டார் நயன்தாரா தற்போது சூப்பர் ஸ்டார் ரஜினிகாந்த் நடித்து வரும் ’அண்ணாத்த’ மற்றும் விஜய் சேதுபதி நடித்து வரும் ’காத்துவாக்குல ரெண்டு காதல்’ உள்பட ஒரு சில திரைப்படங்களில் நடித்து வருகிறார். மேலும் அவர் அட்லி இயக்கத்தில் ஷாருக்கான் நடிக்கும் படத்தில் நாயகியாக நடிக்க உள்ளார் என்று கூறப்படுகிறது. இந்த நிலையில் அல்போன்ஸ் புத்திரன் இயக்கும் அடுத்த படத்தின் நாயகியாக நயன்தாராவை நடிக்க வைக்க பேச்சுவார்த்தை நடைபெற்று வருவதாக கூறப்படுகிறது.
பிரபல மலையாள இயக்குனர் அல்போன்ஸ் புத்திரன் இயக்கும் அடுத்த படத்தில் நடிகர் பிரித்திவிராஜ் ஹீரோவாக நடிக்க உள்ளதாகவும் இது குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது.
இந்த நிலையில் இந்த படத்தின் நாயகியாக நயன்தாரா நடிக்க வைக்க பேச்சுவார்த்தை நடத்தப்பட்டு வருவதாகவும் இந்த தகவலை உறுதி செய்யப்பட்டால் பிரித்திவிராஜ் - நயன்தாரா ஜோடி முதல் முறையாக இணைந்து என்பது குறிப்பிடத்தக்கது. இந்தப் படத்தைத் பிரித்திவிராஜ் தயாரிக்க இருப்பதாகவும் கூறப்பட்டு வருகிறது.