தனுஷ் இயக்கத்தில் உருவாகி வரும் ’நிலவுக்கு என் மேல் என்னடி கோபம்’ என்ற படத்தின் படப்பிடிப்பு ஒரு பக்கம் விறுவிறுப்பாக நடைபெற்று வரும் நிலையில் சற்று முன் இந்த படத்தின் சிங்கிள் பாடல் வெளியாகி இணையத்தில் வைரலாகி வருகிறது.

ஜிவி பிரகாஷ் கம்போஸ் செய்த இந்த பாடலை சுபாஷினி தேவி, ஜிவி பிரகாஷ், தனுஷ் மற்றும் அறிவு ஆகிய நால்வரும் இணைந்து பாடியுள்ளனர். இந்த பாடல் முதல் முறை கேட்கும்போது அசத்தலாக இருப்பதாக ரசிகர்கள் கருத்து தெரிவித்து வருகின்றனர்.

தனுஷின் நெருங்கிய உறவினரான பவிஷ் நாயகனாக நடிக்கும் இந்த படத்தில் அனிகா சுரேந்திரன், பிரியா பிரகாஷ் வாரியர், மேத்யூ தாமஸ், வெங்கடேஷ் மேனன் உள்பட பலர் நடித்துள்ளனர்.

தனுஷின் வுண்டர்பார் பிரைவேட் லிமிடெட் தயாரிப்பில் உருவாகி இந்த படத்திற்கு லியோன் பிரிட்டோ ஒளிப்பதிவும், ஜிகே பிரசன்னா படத்தொகுப்பு பணியும் செய்துள்ளனர். இந்த படம் விரைவில் திரையரங்குகளில் வெளியாக உள்ளது என்பது குறிப்பிடத்தக்கது.