கமல்ஹாசன், அஜித், சூர்யா உள்பட பிரபல நடிகர்கள் நடித்துக்கொண்டிருக்கும் படங்களின் டிஜிட்டல் உரிமையை நெட்பிளிக்ஸ் நிறுவனம் வாங்கி இருப்பதாக அதிகாரப்பூர்வமாக தனது சமூக வலைத்தளத்தில் அறிவித்துள்ளது. இதையடுத்து, ரசிகர்கள் அந்த அறிவிப்பை கொண்டாடி வருகின்றனர்.

உலகநாயகன் கமல்ஹாசன் நடித்து வரும் ’தக்லைஃப்’ அஜித் நடித்து வரும் ’விடாமுயற்சி’ மற்றும்’ குட் பேட் அக்லி’ சூர்யா நடித்து வரும் ’ரெட்ரோ’ ஆகிய படங்கள் திரையரங்குகள் ரிலீசுக்கு பின் நெட்பிளிக்ஸ் டிஜிட்டல் ஓடிடியில், ரிலீஸ் ஆக உறுதி செய்யப்பட்டுள்ளது. இதற்கான அதிகாரப்பூர்வ அறிவிப்பு வெளியிடப்பட்டதால், ரசிகர்கள் அதை மேலும் கொண்டாடி வருகின்றனர்.

அது மட்டுமல்லாமல், பிரதீப் ரங்கநாதன் நடித்து வரும் 'கீர்த்தீஸ்வரன்’ மற்றும் ‘டிராகன்’ துல்கர் சல்மான் நடித்து வரும் ’காந்தா’ என்ற திரைப்படம், விரைவில் வெளியீடாக இருக்கும் ’பெருசு’ ஆகிய படங்களையும் நெட்பிளிக்ஸ் டிஜிட்டல் ஓடிடி நிறுவனம் வாங்கியுள்ளது.

மேலும், துருவ் விக்ரம் நடிப்பில் மாரி செல்வராஜ் இயக்கி வரும் ’பைசான்’ விஜய் தேவரகொண்டா நடித்து வரும் 12வது திரைப்படம் மற்றும் ரவிதேஜா, நாக சைதன்யா ஆகியோர் நடித்து வரும் படங்களையும் நெட்பிளிக்ஸ் டிஜிட்டல் ஓடிடியில், நிறுவனம் வாங்கியதாக அதிகாரப்பூர்வ அறிவிப்பு வெளியாகியுள்ளது.

தென்னிந்திய திரையுலகின் பிரபல நடிகர்களின் படங்களை ஒட்டுமொத்தமாக நெட்பிளிக்ஸ் டிஜிட்டல் ஓடிடியில், நிறுவனம் கைப்பற்றியுள்ளது, இதனால் திரையுலகில் பரபரப்பை ஏற்படுத்தியுள்ளது.