திரையரங்குகளில் வெளியான புதிய திரைப்படங்கள் ஒரே மாதத்தில் ஓ.டி.டி.யில் வெளியாகும் நிலையில், சந்தானம் நடித்த 'டிடி நெக்ஸ்ட் லெவல்', சமந்தா தயாரித்த ‘சுபம்’ உட்பட இந்த வாரம் என்னென்ன திரைப்படங்கள் வெளியாகின்றன என்பதைப் பார்ப்போம்.

சந்தானம் நடித்த 'டிடி நெக்ஸ்ட் லெவல்' என்ற திரைப்படம் மே ஒன்றாம் தேதி வெளியான நிலையில், இந்த படம் ஜி5 ஓ.டி.டி.யில் இந்த வாரம் வெளியாகிறது என அறிவிக்கப்பட்டுள்ளது. திரையரங்கில் எதிர்பார்ப்பை பூர்த்தி செய்யாத இந்த படம், ஓ.டி.டி.யில் நல்ல வரவேற்பு பெறுமா என்பதை பொறுத்திருந்துதான் பார்க்க வேண்டும். தமிழ், தெலுங்கு, மலையாளம், கன்னடம் என நான்கு மொழிகளில் ஓ.டி.டி.யில் இந்த படம் ரிலீஸ் ஆகிறது என்பது குறிப்பிடத்தக்கது.

இதைத் தொடர்ந்து, சமந்தா தயாரித்த 'சுபம்' என்ற தெலுங்கு திரைப்படம் ஹாட்ஸ்டாரில் வெளியாகிறது. அதேபோல், 'ராணா நாயுடு சீசன் 2' (Rana Naidu S2) என்ற தெலுங்கு திரைப்படம் நெட்ஃப்ளிக்ஸ் ஓ.டி.டி.யில் வெளியாகிறது. மேலும் ஆலப்புழா ஜிம்கானா’ என்ற மலையாள திரைப்படம் சோனி லைவ் ஓடிடியிலும், 'படக்காலம்' என்ற மலையாளத் திரைப்படம் ஹாட்ஸ்டாரில், 'தாச செட்டேனி சைக்கிள்' என்ற மலையாளத் திரைப்படம் அமேசான் பிரைமிலும் இந்த வாரம் வெளியாகிறது என்பது குறிப்பிடத்தக்கது.