గ్లామ‌ర్ డాల్ నిధి అగ‌ర్వాల్‌కు తెలుగులో పెద్ద‌గా అవ‌కాశాలు లేవు. ఇక త‌మిళంలో గ‌త ఏడాది ఓ సినిమాలో మాత్రం న‌టించింది. అయినా కూడా రెమ్యున‌రేష‌న్ విష‌యంలో అస‌లు త‌గ్గ‌నంటోంద‌ట ఈ బ్యూటీ. అస‌లు విష‌యమేమంటే ఈ అమ్మ‌డుని బెల్లంకొండ శ్రీనివాస్ అదుర్స్ అల్లుడు సినిమాలో ఓ స్పెష‌ల్ సాంగ్‌లో న‌టించ‌మ‌ని కోరార‌ట‌. అందుకు ఆ అమ్మ‌డు చెప్పిన రెమ్యున‌రేష‌న్ విని నిర్మాత‌ల క‌ళ్లు తిరిగాయ‌ట‌. ఇంత‌కు నిధి అగ‌ర్వాల్ ఎంత మొత్తాన్ని కోట్ చేసిందో తెలుసా.. అర‌వై ల‌క్ష‌లు. ఇంత మొత్తం ఆ అమ్మ‌డు పూర్తి సినిమాకే ఇవ్వ‌డం లేదుగా! మ‌రి స్పెష‌ల్ సాంగ్‌కు అంతివ్వాలా! అంటే.. త‌ప్ప‌ద‌న్న‌ట్లు నిధి ఖ‌రాకండీగా చెప్పేసింద‌ని టాక్‌.

దీంతో నిర్మాత‌లు మ‌రో హీరోయిన్‌ను వెతుక్కునే ప‌నిలో ప‌డ్డారు. సంతోష్ శ్రీనివాస్ ద‌ర్శ‌క‌త్వంలో బెల్లంకొండ శ్రీనివాస్ హీరోగా రూపొందుతోన్న చిత్రం అల్లుడు అదుర్స్‌. ఈ సినిమాలో న‌భా న‌టేష్ హీరోయిన్‌. ఈ వేస‌విలో సినిమాను విడుద‌ల చేయాల‌నుకున్నారు. అయితే క‌రోనా ఎఫెక్ట్‌తో సినిమా షూటింగ్ వాయిదా ప‌డింది. మ‌రిప్పుడు సినిమా విడుద‌ల వాయిదా ప‌డిన‌ట్టేన‌ని వార్త‌లు విన‌ప‌డుతున్నాయి.