తమిళంలో సినిమా చేస్తున్న నిహారిక..
- IndiaGlitz, [Thursday,February 16 2017]
మెగా బ్ర‌ద‌ర్ నాగ‌బాబు త‌న‌య నిహారిక ముద్ద‌ప‌ప్పు అవ‌కాయ్ స‌హా ప‌లు టీవీ షోస్‌తో తెలుగు ప్రేక్ష‌కులకు ప‌రిచ‌యం అయిన త‌ర్వాత ఒక మ‌న‌సు అనే సినిమాతో హీరోయిన్‌గా ఎంట్రీ ఇచ్చింది. త‌ర్వాత నిహారిక త‌న సెకండ్ మూవీ కోసం చాలా స‌మ‌యాన్ని తీసుకుంది. తెలుగులో నిహారిక సెకండ్‌మూవీపై చాలా ర‌కాల వార్త‌లు వినిపించిన‌ప్ప‌టికీ నిహారిక తెలుగులోకే ప‌రిమితం కాకుండా తమిళంలో కూడా న‌టించ‌డానికి రెడీ అయ్యింది.
పిజ్జా స‌హా తమిళంలో ప‌లు విజ‌య‌వంత‌మైన చిత్రాల్లో న‌టించి విజ‌య్ సేతుప‌తి స‌హా ప‌లు తెలుగు, త‌మిళ చిత్రాల్లో న‌టించిన సీనియ‌న్ న‌టుడు కార్తీక్ త‌న‌యుడు గౌత‌మ్ కార్తీక్‌తో క‌లిసి ఓ సినిమాలో న‌టించ‌నుంది. ఈ సినిమాను అరుముగ కుమార్ అనే డెబ్యూ డైరెక్ట‌ర్ తెర‌కెక్కించ‌నున్నాడ‌ట. కామెడి ఎంట‌ర్‌టైన‌ర్‌గా రూపొందుతున్న ఈ సినిమా సైలెంట్‌గా చిత్రీక‌ర‌ణ‌ను జరుపుకుంటుంద‌ట.