close
Choose your channels

నిఖిల్ 20 ఖ‌రారు!!

Friday, July 31, 2020 • తెలుగు Comments

నిఖిల్ 20 ఖ‌రారు!!

యువ క‌థానాయ‌కుడు నిఖిల్ వ‌రుస సినిమాల‌ను అనౌన్స్ చేస్తున్నారు. తాజాగా ఈయ‌న తాను చేయ‌బోయే 20వ సినిమా గురించిన అధికారికంగా ప్ర‌క‌టించారు. నిఖిల్ 20వ సినిమాను ఏషియ‌న్ గ్రూప్స్ అధినేత నారాయ‌ణ్ దాస్ కె.నారంగ్, పుస్కూర్ రామ్మోహ‌న్ రావ్ ఈ చిత్రాన్ని నిర్మించ‌నున్నారు. సోనాలి నారంగ్ స‌మ‌ర్ప‌ణ‌లో శ్రీ వెంక‌టేశ్వ‌ర సినిమాస్ ఎల్ఎల్‌పీ, రెయిన్ బో రీల్స్ ప‌తాకాల‌పై ఈ సినిమా రూపొంద‌నుంది. త్వ‌ర‌లోనే ద‌ర్శ‌కుడు, ఇత‌ర సాంకేతిక నిపుణుల వివ‌రాల‌ను ప్ర‌క‌టిస్తామ‌ని నిర్మాత‌లు తెలిపారు. ‘మీతో క‌లిసి ప‌నిచేయ‌నుండ‌టం ఆనందంగా ఉంది.. మీ స‌హాయ స‌హ‌కారాలు ఉంటే మరింత పెద్ద సినిమాలు చేయ‌గలం’ అంటూ నిఖిల్ ట్విట్ట‌ర్ ద్వారా త‌న స్పంద‌న‌ను తెలియ‌జేశారు.

రీసెంట్‌గా డాక్ట‌ర్ ప‌ల్ల‌విని పెళ్లి చేసుకున్న నిఖిల్ ఇక త‌దుప‌రి సినిమాల‌పై ఫోక‌స్ పెట్టాడు. అర్జున్ సుర‌వ‌రం హిట్ త‌ర్వాత నిఖిల్ త‌నకు బ్రేక్ ఇచ్చిన కార్తికేయ సీక్వెల్ కార్తికేయ 2లో న‌టిస్తున్న సంగ‌తి తెలిసిందే. ఈ సినిమా సెట్స్ పై ఉండ‌గానే త‌దుప‌రి సినిమాను కూడా నిఖిల్ క‌న్‌ఫ‌ర్మ్ చేసుకున్నారు. ప్ర‌స్తుతం నాగ‌చైత‌న్య‌, శేఖ‌ర్ క‌మ్ముల‌, సాయిప‌ల్ల‌వి కాంబినేష‌న్‌లో రూపొందుతోన్న ‘లవ్‌స్టోరి’తో పాటు, నాగార్జున, ప్ర‌వీణ్ సత్తారు కాంబినేష‌న్‌లో రూపొందుతోన్న చిత్రాల‌ను ఏషియ‌న్ సినిమా గ్రూప్ నిర్మిస్తోంది.

Get Breaking News Alerts From IndiaGlitz