నానితో నిఖిల్‌...
- IndiaGlitz, [Thursday,November 22 2018]
వ‌రుస ఎనిమిది విజ‌యాలు సాధించిన నేచుర‌ల్ స్టార్ నానికి కృష్ణార్జున యుద్ధం కాస్త బ్రేక్ వేసింది. త‌ర్వాత నాగార్జున‌తో నాని క‌లిసి న‌టించిన మ‌ల్టీస్టార‌ర్ దేవ‌దాస్ కూడా నిరాశ‌నే మిగిల్చింది. ప్ర్ర‌స్తుతం నాని గౌత‌మ్ తిన్న‌నూరి ద‌ర్శ‌క‌త్వంలో 'జెర్సీ' సినిమా చేస్తూ బిజీగా ఉన్నాడు. ఈ సినిమా త‌ర్వాత నాని .. త‌న‌కు హీరోగా 'అష్టాచ‌మ్మా'తో లైఫ్ ఇవ్వ‌డ‌మే కాకుండా 'జెంటిల్‌మ‌న్' వంటి హిట్ మూవీని ఇచ్చిన డైరెక్ట‌ర్ ఇంద్ర‌గంటి మోహ‌న‌కృష్ణ ద‌ర్శ‌క‌త్వంలో ఓ సినిమా చేయ‌బోతున్నాడు.
ఇదొక మ‌ల్టీస్టార‌ర్ అని స‌మాచారం. లెటెస్ట్ న్యూస్ ప్ర‌కారం ఇంద్ర‌గంటికి ఈ మ‌ల్టీస్టార‌ర్‌లో న‌టించ‌బోయే మ‌రో హీరో కూడా దొరికేశాడ‌ని స‌మాచారం. ఆ హీరో ఎవ‌రో కాదు. నిఖిల్‌. ప్రీ ప్రొడ‌క్ష‌న్ కార్య‌క్ర‌మాల‌ను పూర్తి చేసి సినిమాను ఫిబ్ర‌వ‌రిలో స్టార్ చేయ‌డానికి ఇంద్ర‌గంటి ప్లాన్ చేస్తున్నార‌ని స‌మాచారం.