சசிகுமார் நடித்து முடித்துள்ள 'நாடோடிகள் 2', 'கொம்பு வச்ச சிங்கம்டா' மற்றும் 'கென்னடி கிளப்' ஆகிய திரைப்படங்கள் விரைவில் வெளியாகவிருக்கும் நிலையில் தற்போது அவர் புதிய படம் ஒன்றில் நடிக்க ஒப்பந்தமாகியுள்ளார்.

இயக்குனர் சுந்தர் சி உதவியாளர் கதிர்வேலு இயக்கவுள்ள இந்த படத்திற்கு 'ராஜவம்சம்' என்ற டைட்டில் வைக்கப்பட்டுள்ளது. சசிகுமாருக்கு ஜோடியாக முதல்முறையாக நிக்கி கல்ரானி இந்த படத்தில் நடிக்கவுள்ளார். மேலும் சதீஷ், யோகிபாபு, மனோபாலா, தம்பிராமையா, ராதாரவி, ரேகா, சுமித்ரா, நிரோஷா உள்பட 49 பிரபலங்கல் இந்த படத்தில் நடிக்கவுள்ளனர்.

சசிகுமாரின் 19வது படமாக உருவாகும் இந்த படத்திற்கு சாம் சிஎஸ் இசையமைக்கவுள்ளார். டிடி ராஜா தயாரிக்கும் இந்த படம் குடும்ப செண்டிமெண்ட் மற்றும் காமெடி நிறைந்த படமாக இருக்கும் என கருதப்படுகிறது