పవన్ నో చెప్పిన డైరెక్టర్ తో నితిన్..
- IndiaGlitz, [Thursday,June 16 2016]
పవన్ నో చెప్పిన డైరెక్టర్ తో నితిన్.. ఓ మూవీ చేస్తున్నాడ‌ట. ఇంత‌కీ పవన్ నో చెప్పిన ఆ డైరెక్టర్ ఎవ‌రంటే...సంప‌త్ నంది. ఏమైంది ఈవేళ చిత్రంతో ద‌ర్శ‌కుడిగా ప‌రిచ‌య‌మైన సంప‌త్ నంది తొలి ప్ర‌య‌త్నంలోనే మంచి గుర్తింపు ఏర్ప‌రుచుకున్నాడు. ఆత‌ర్వాత మెగా ప‌వ‌ర్ స్టార్ రామ్ చ‌ర‌ణ్ తో ర‌చ్చ సినిమా తెర‌కెక్కించి ఘ‌న విజ‌యం సాధించాడు. రామ్ చ‌ర‌ణ్ ర‌చ్చ ఆత‌ర్వాత సంప‌త్ నంది ఏకంగా ప‌వ‌ర్ స్టార్ తో సినిమా చేసే అవ‌కాశం ద‌క్కించుకున్నాడు.
అదే స‌ర్ధార్ గ‌బ్బ‌ర్ సింగ్. అయితే..ఏమైందో ఏమో...ఆఖ‌రి నిమిషంలో సంప‌త్ నంది ఈ ప్రాజెక్ట్ నుంచి త‌ప్పుకున్నాడు. ఆత‌ర్వాత మాస్ రాజ ర‌వితేజ తో బెంగాల్ టైగ‌ర్ చిత్రాన్ని తెర‌కెక్కించి మ‌రో విజ‌యాన్ని సొంతం చేసుకున్నాడు. మాస్ ని మెప్పించ గ‌ల ఈ ద‌ర్శ‌కుడితో నితిన్ ఓ సినిమా చేయాల‌నుకుంటున్నాడ‌ట. ప్రస్తుతం క‌థా చ‌ర్చ‌లు జ‌రుగుతున్నాయి. త్వ‌ర‌లోనే ఈ చిత్రాన్ని అఫిషియ‌ల్ గా ఎనౌన్స్ చేస్తార‌ని స‌మాచారం. మ‌రి..ఈ ప్రాజెక్ట్ చ‌ర్చ‌ల‌కే ప‌రిమితం అవుతుందో...లేక సెట్స్ పైకి వెళుతుందో తెలియాలంటే కొన్ని రోజులు ఆగాల్సిందే.