பாலியல் குற்றச்சாட்டுக்கு உள்ளாகி இந்திய அரசால் தேடப்பட்டு கொண்டிருக்கும் நித்தியானந்தா, அவ்வப்போது சமூக வலைதளங்களில் வீடியோக்களை வெளியிட்டு பரபரப்பை ஏற்படுத்துவார் என்பது தெரிந்ததே. குறிப்பாக சமீபத்தில் கைலாசம் என்ற நாட்டை உருவாக்கி இருப்பதாகவும் அந்த நாட்டிற்காக புதிய கரன்சியை உருவாக்கி இருப்பதாகவும் கூறி பெரும் பரபரப்பை ஏற்படுத்தினார்

இந்த நிலையில் சமீபத்தில் அவர் வெளியிட்டுள்ள ஒரு வீடியோ ஒன்றில், ‘தன்னை கைலாசா நாட்டின் அதிபர் என்றும் பிரதமர் என்று யாரும் கூற வேண்டாம் என்றும், தான் அதற்கும் மேலானவர் என்றும், கடவுள் என்றும் கூறியுள்ளார். இது குறித்து அவர் மேலும் கூறியபோது ’அட லூசுகளா! என்னை அதிபர் என்றும் கடவுள் என்று கூறாதீங்கடா. அதிபர் என்றும் பிரதமர் என்று கூறி ஏன் இப்படி வயிறு எரிந்து சாகிறீர்கள். நான் அதுக்கெல்லாம் மேல..டா.. நான் கடவுள்டா... என்னை கடவுள் என்று கூப்பிடுங்கடா... என்று கூறியுள்ளார்

மேலும் ’நான் என்னை மட்டும் கடவுள் என்று கூறவில்லை உங்களையும் சேர்த்து தான் கடவுள் என்று கூறுகிறேன். எந்த ஒரு மதத்தில் உள்ள ஒருவன், தன்னைக் கடவுள் என்று உணர்ந்து கொண்டு மற்றவர்களையும் கடவுளாக பார்க்கின்றானோ, அந்த மதம் மட்டுமே இனிமேல் உலகத்தில் நீடித்து இருக்கும் அந்த வகையில் நான் என்னை கடவுள் என்று உணர்ந்து கொண்டேன், உங்களையும் சேர்த்து தான் நான் கடவுள் என்று கூறுகிறேன். அதுக்கு முதல்ல பதில் சொல்லுங்கடா’ என்று நித்தியானந்தா வெளியிட்ட வீடியோவில் குறிப்பிட்டுள்ளார்

இந்த காமெடி வீடியோ தற்போது இணையதளத்தில் வைரலாகி வருகிறது என்பது குறிப்பிடத்தக்கது