நிவேதா பெத்துராஜ் இத்தனை கிமீ வேகத்தில் கார் ஓட்டுகிறாரா?
- IndiaGlitz, [Thursday,July 15 2021]
ஒரு நாள் கூத்து, டிக் டிக் டிக், சங்கத்தமிழன் உள்பட ஒரு சில தமிழ் திரைப்படங்களில் நடித்த நடிகை நிவேதா பெத்துராஜ், சமீபத்தில் பார்முலா ஒன் கார் ரேஸ் பயிற்சியில் ஈடுபட்ட புகைப்படங்கள் மற்றும் வீடியோக்கள் வைரலானது என்பது தெரிந்ததே. தற்போது கார் ரேசில் முதல்கட்ட பயிற்சி முடித்துள்ள நிவேதா பெத்துராஜ் அடுத்ததாக கார் ரேஸில் கலந்து கொள்ளும் முயற்சியில் தீவிரமாக இருக்கிறார் என்பது குறிப்பிடத்தக்கது.
இந்த நிலையில் தனது சமூக வலைத்தளத்தில் ரசிகர்கள் கேட்ட கேள்விகளுக்கு பதிலளித்த நிவேதா பெத்துராஜ் தான் எத்தனை கிலோமீட்டர் வேகத்தில் கார் ஓட்டுவேன் என்பதை தெரிவித்துள்ளார். பொதுவாக கார் ரேஸ் டிராக்கில் 160 கிலோமீட்டர் வேகத்தில் கார் ஓட்டியுள்ளதாகவும், ஆனால் தனது டாட்ஜ் காரில் 220 கிலோமீட்டர் வேகம் வரை ஓட்டிய அனுபவம் தனக்கு உண்டு என்று கூறியுள்ளார்.
மணிக்கு 220 கிலோ மீட்டர் வேகத்தில் நிவேதா பெத்துராஜ் கார் ஓட்டி உள்ளார் என்ற தகவல் ரசிகர்களுக்கு பெரும் ஆச்சரியத்தை அளித்துள்ளது. தற்போது கார் ரேசிங்கிற்கான லெவல்-1 பயிற்சியை முடித்து விட்டதாகவும் இதுதான் ஆரம்ப ஸ்டேஜ் என்றும், இன்னும் அதிக பயிற்சிகளில் ஈடுபட இருப்பதாகவும் அவர் தெரிவித்துள்ளார்.
நிவேதா பெத்துராஜ் தற்போது ’பொன்மாணிக்கவேல்’ ’பார்ட்டி’ ஆகிய படங்களில் நடித்து முடித்துள்ளார் என்பதும் அந்த படங்கள் விரைவில் வெளியாக உள்ளது என்பதும் குறிப்பிடத்தக்கது.