நடிகர் விஜய், தமிழக வெற்றி கழகம் என்ற அரசியல் கட்சியை தொடங்கியுள்ள நிலையில், அடுத்த ஆண்டு நடைபெறும் சட்டமன்ற தேர்தலில் இந்த கட்சி போட்டியிட உள்ளது.

இந்த நிலையில், அதிமுக உள்பட சில கட்சிகளுடன் விஜய் கட்சி கூட்டணி அமைத்து போட்டியிடும் என்ற தகவல் வெளிவந்தது. அதிமுகவுடன் கூட்டணி ஏற்பட்டால், எடப்பாடி பழனிச்சாமி முதலமைச்சராகவும், விஜய் துணை முதலமைச்சராகவும் பதவி ஏற்பார்கள் என்றூ கூறப்பட்டு வந்தது.

ஆனால், விஜய் கட்சியின் தேர்தல் ஆலோசகராக செயல்பட்டு வரும் பிரசாந்த் கிஷோர், 2026 தேர்தலில் தமிழ் வெற்றி கழகம் அனைத்து தொகுதிகளிலும் தனித்துப் போட்டியிடும் என்று அறிவித்துள்ளார். விஜய் கட்சியுடன் கூட்டணி அமைக்க அதிமுக முன் வந்ததாகவும், ஆனால் விஜய் அதற்கு ஒப்புக்கொள்ளவில்லை என்றும் அவர் தெரிவித்துள்ளார்.

எனவே, தமிழக வெற்றி கழகம் மற்றும் அதிமுக கூட்டணி 2026 தேர்தலில் இல்லை என்றும் அவர் உறுதியாக கூறியுள்ளார். 2026 தேர்தலுக்கான வியூகத்தை விஜய் ஏற்கனவே வகுத்துள்ளதாகவும், தனித்து போட்டியிடுவதில் அவர் உறுதியாக இருப்பதாகவும் கூறப்பட்டுள்ளது.

பிரசாந்த் கிஷோர் கணித்தது போல் விஜய் கட்சி தனித்து போட்டியிட்டு வெற்றி பெற்று தமிழகத்தில் ஆட்சி அமைக்குமா? என்பதை பொறுத்திருந்து தான் பார்க்க வேண்டும்.