சென்னை உள்பட தமிழகத்தின் பல பகுதிகளில் கொரோனா வைரஸ் கடந்த சில நாட்களாக மிக வேகமாக பரவி வருகிறது என்பதும் நேற்று கூட தமிழகத்தில் மொத்தம் 4 ஆயிரத்துக்கும் அதிகமானோர் கொரோனா வைரஸால் பாதிக்கப்பட்டு உள்ளனர் என்பதும் குறிப்பிடத்தக்கது

இந்த நிலையில் பாமர மக்கள் மட்டுமின்றி பதவியில் இருக்கும் எம்எல்ஏக்கள், அமைச்சர்களுக்கும் கொரோனா வைரஸ் பாதிப்பு ஏற்பட்டுள்ளது பெரும் அதிர்ச்சியை ஏற்படுத்தியுள்ளது. இந்த நிலையில் சமீபத்தில் முதல்வர் அலுவலகத்தில் பணிபுரிந்த ஒருவருக்கு கொரோனா வைரஸ் தொற்று இருந்ததாக கூறப்பட்டதால் முதல்வர் பழனிசாமி உள்பட முதல்வர் அலுவலகத்தில் உள்ள அனைவருக்கும் கொரோனா பரிசோதனை செய்யப்பட்டது

முதல்வர் பழனிசாமி மற்றும் அவரது முகாம் அலுவலகத்தில் பணியாற்றும் அனைவருக்கும் பரிசோதனை செய்யப்பட்ட நிலையில் பரிசோதனையில் யாருக்கும் கொரோனா தொற்று இல்லை என்பது உறுதியாகி உள்ளதாக தமிழக அரசு அறிவித்து உள்ளது என்பது குறிப்பிடத்தக்கது