కిడ్నాప్ చేయలేందటున్న బుల్లితెర నటుడు...
- IndiaGlitz, [Tuesday,May 09 2017]
బుల్లితెర నెంబ‌ర్ వ‌న్ షోగా సాగుతున్న జ‌బ‌ర్‌ద‌స్త్ ప్రోగ్రామ్ ద్వారా చాలా మంది క‌మెడియ‌న్స్ ప‌రిచ‌య‌మ‌వుతున్నారు. ఈ షోలో లేడీ గెట‌ప్‌ల‌తో రాణిస్తున్న నటుడు వినోద్ నిన్న కిడ్నాప్‌కు గురైన‌ట్లు వార్త‌లు వ‌చ్చాయి.
అస‌లు విష‌య‌మేమంటే వైఎస్ఆర్‌జిల్లాకు చెందిన వినోద్, తన త‌ల్లి శిరోమ‌ణ‌మ్మ‌తో క‌లిసి వినోద్ తన పెళ్లి చూపుల నిమిత్తం సమీప బంధువుల ఇంటికి సంజామల మండలం బొందలదిన్నె గ్రామానికి వెళ్ళ‌గా పెళ్లి మాటల్లో గొడ‌వ జ‌రిగి వినోద్‌ను కిడ్నాప్ చేశారంటూ వార్త‌లు వ‌చ్చాయి. అయితే దీనిపై పోలీసులు అప్ర‌మ‌త్త‌మై బొందలదిన్నె గ్రామానికి వెళ్లి వినోద్‌ను అదుపులోకి తీసుకున్నార‌ట. అయితే త‌న‌నెవ‌రూ కిడ్నాప్ చేయ‌లేద‌ని వినోద్ లిఖిత‌పూర్వ‌కంగా రాసిచ్చాడు.