close
Choose your channels

ചില്ലിക്കാശുപോലും തരില്ല, മാപ്പു പറയുകയുമില്ല; എം.വി ഗോവിന്ദന് സ്വപ്നാ സുരേഷിൻ്റെ മറുപടി

Saturday, April 1, 2023 • മലയാളം Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

ചില്ലിക്കാശുപോലും തരില്ല, മാപ്പു പറയുകയുമില്ല; എം.വി ഗോവിന്ദന് സ്വപ്നാ സുരേഷിൻ്റെ മറുപടി

മാനനഷ്ടക്കേസിൽ നഷ്ടപരിഹാരം ആവശ്യപ്പെട്ട് സിപിഎം സംസ്ഥാന സെക്രട്ടറി എം വി ഗോവിന്ദൻ അയച്ച വക്കീൽ നോട്ടിസിന് സ്വർണക്കടത്ത് കേസ് പ്രതി സ്വപ്നാ സുരേഷ് മറുപടിയുമായെത്തി. മാപ്പ് പറയില്ലെന്നും ചില്ലിക്കാശുപോലും നഷ്ടപരിഹാരമായി നൽകില്ലെന്നുമാണ് സ്വപ്ന അറിയിച്ചിരിക്കുന്നത്. സ്വപ്നയുടെ അഭിഭാഷകൻ ആർ.കൃഷ്ണരാജ് ആണ് വിശദമായ മറുപടിക്കത്ത് തയാറാക്കിയത്. മാനനഷ്ടക്കേസുമായി ബന്ധപ്പെട്ട് എന്ത് നിയമ നടപടികളും നേരിടാൻ തയ്യാറാണ്. ഫേസ്ബുക്ക് ലൈവിൽ എല്ലാ വിവരങ്ങളും വളരെ വ്യക്തമായി മലയാളത്തിൽ തന്നെ പറയുന്നുണ്ട്. പറഞ്ഞ കാര്യങ്ങൾ വീണ്ടും കേൾക്കണം. വിജയ് പിള്ള പറഞ്ഞ കാര്യങ്ങൾ മാത്രമാണ് വെളിപ്പെടുത്തിയത്. എംവി ഗോവിന്ദനാണ് വിജയ് പിള്ളയെ അയച്ചതെന്ന് ഒരിടത്തും പറയുന്നില്ല. വിജയ് പിള്ള വഴി എംവി ഗോവിന്ദൻ ബന്ധപ്പെട്ടുവെന്നും പറയുന്നില്ല. വാഗ്ദാനങ്ങൾ നിരസിച്ചാൽ പ്രത്യഘാതം നേരിടേണ്ടി വരുമെന്ന് ഗോവിന്ദൻ പറഞ്ഞുവെന്ന് വിജയ് പിള്ള പറഞ്ഞതായാണ് ആരോപണം ഉന്നയിച്ചിരിക്കുന്നതെന്ന് വ്യക്തമായി മനസിലാക്കാതെയാണ് ആരോപണം ഉന്നയിച്ചിരിക്കുന്നത്. ഒരു കോടി രൂപയുടെ പത്ത് ശതമാനം കോടതി ഫീസ് ആയി അടച്ച് കേസ് ഫയൽ ചെയ്യുന്നതിനായി കാത്തിരിക്കുകയാണ്- സമൂഹമാദ്ധ്യമത്തിലൂടെ സ്വപ്‌ന വ്യക്തമാക്കി.

Follow us on Google News and stay updated with the latest!