మగధీర కు సంబంధం లేదట...
- IndiaGlitz, [Friday,May 26 2017]
జూన్ 9న విడుద‌ల కానున్న బాలీవుడ్ చిత్రం రాబ్తా(క‌నెక్ష‌న్‌)కు తెలుగు సినిమా మ‌గ‌ధీర‌కు సంబంధం ఉంద‌ని తెలుగు నిర్మాత అల్లు అర‌వింద్ కోర్టును ఆశ్ర‌యించిన సంగ‌తి తెలిసిందే. రాబ్తా మెయిన్ పాయింట్ మగధీర చిత్రంలో నుండే తీసుకున్నార‌ని, కాబ‌ట్టి న‌ష్ట‌ప‌రిహారం చెల్లించేంత వ‌ర‌కు సినిమాను విడుద‌ల చేయ‌కూడ‌ద‌ని కేసు వేశారు.
అయితే ఈ సినిమా హీరో సుశాంత్ సింగ్ రాజ్‌పుత్‌(ధోని ఫేమ్)మాత్రం రాబ్తాకు, మ‌గ‌ధీర‌కు సంబంధం లేద‌ని, ఇప్ప‌టి వ‌ర‌కు తెర‌కెక్క‌ని క‌థాంశంతో సినిమా రూపొందింద‌ని, కాబ‌ట్టి కేసు కోర్టులో నిల‌వ‌ద‌ని అంటున్నాడు. అంతే కాకుండా రాబ్తా క‌మ‌ర్షియ‌ల్‌గా త‌న‌కు మంచి పేరు తెస్తుంద‌ని కూడా ఆశాభావం వ్య‌క్తం చేశాడు. మ‌రి నిజా నిజాలు తెలియాలంటే మ‌రో వారం ఆగితే స‌రిపోతుంది. ఈ చిత్రంలో వ‌న్ నేనొక్క‌డినే ఫేమ్ కృతిస‌న‌న్ హీరోయిన్‌గా న‌టించింది.