ఎన్టీఆర్ - పూరి మూవీ ఎక్స్ క్లూజీవ్ డీటైల్స్..!
- IndiaGlitz, [Tuesday,September 27 2016]
యంగ్ టైగ‌ర్ ఎన్టీఆర్ జ‌న‌తా గ్యారేజ్ మూవీతో బ్లాక్ బ‌ష్ట‌ర్ సాధించిన విష‌యం తెలిసిందే. అయితే... ఎన్టీఆర్ త‌దుప‌రి చిత్రం పూరి జ‌గ‌న్నాథ్ తో ఉంటుంద‌ని మేము జ‌న‌తా గ్యారేజ్ రిలీజ్ రోజే చెప్ప‌డం జ‌రిగింది. ఇదిలా ఉంటే... ఎన్టీఆర్ డైరెక్టర్ అనిల్ రవిపూడి, లింగు స్వామి క‌థ‌లు విన్నాడు పూరితో సినిమా ఉండ‌క‌పోవ‌చ్చు అంటూ ప్ర‌చారం జ‌రిగింది కానీ మేము చెప్పిందే నిజం అవుతుంది అని తెలిసింది. మాకు అందిన తాజా స‌మాచారం ప్ర‌కారం..ఇటీవ‌ల ఎన్టీఆర్ బ్యాకాంక్ వెళ్లారట. అక్క‌డ పూరి ఎన్టీఆర్ కి ఫుల్ స్ర్కిప్ట్ వినిపించారు.
క‌థ విని ఎన్టీఆర్ పూరికి గ్రీన్ సిగ్న‌ల్ ఇచ్చార‌ట. ఎన్టీఆర్ - పూరి కాంబినేషన్లో రూపొందే ఈ భారీ చిత్రాన్ని ఎన్టీఆర్ ఆర్ట్స్ బ్యాన‌ర్ లో నంద‌మూరి క‌ళ్యాణ్ రామ్ నిర్మించ‌నున్నారు. ఈ మూవీ కోసం ఫిల్మ్ ఛాంబ‌ర్ లో బాక్స‌ర్ అనే టైటిల్ రిజిష్ట‌ర్ చేసారు. ఈ చిత్రాన్ని ఎన్టీఆర్ ఆర్ట్స్ బ్యాన‌ర్ లోనే చేయ‌డానికి ఓ ప్ర‌త్యేక కార‌ణం ఉంది. అది ఏమిటంటే...ఎన్టీఆర్ ల‌క్కీ నెంబ‌ర్ 9. ఇప్పుడు ఎన్టీఆర్ చేయ‌నున్న మూవీ 27వ సినిమా. ఎన్టీఆర్ ఆర్ట్స్ బ్యాన‌ర్ కి ఇది 9వ సినిమా అవుతుంది. అందుక‌నే ఈ మూవీని సీనియ‌ర్ ప్రొడ్యూస‌ర్స్ బి.వి.ఎస్.ఎన్ ప్ర‌సాద్, కె.ఎస్.రామారావు నిర్మిస్తామ‌ని ముందుకు వ‌చ్చిన‌ప్ప‌టికీ ఎన్టీఆర్ ఆర్ట్స్ బ్యాన‌ర్ లోనే చేస్తున్నారు యంగ్ టైగ‌ర్..!