నిహారిక ఒక మనసు ఆడియో వేడుకకు అతిధులు వీళ్లే...
- IndiaGlitz, [Tuesday,April 19 2016]
మెగా ఫ్యామిలీ నుంచి ఇప్ప‌టి వ‌ర‌కు హీరోలు ఇండ‌స్ట్రీకి ప‌రిచ‌యం అయ్యారు. ఫ‌స్ట్ టైమ్ మెగా ఫ్యామిలీ నుంచి హీరోయిన్ గా నిహారిక ఇండ‌స్ట్రీకి ప‌రిచ‌యం అవుతుండ‌డం విశేషం. మెగా బ్ర‌ద‌ర్ నాగ‌బాబు ముద్దుల కూతురు నిహారిక ఒక మనసు చిత్రం ద్వారా హీరోయిన్ గా ప‌రిచ‌యం అవుతుంది.
ఈ చిత్రంలో నాగ శౌర్య స‌ర‌స‌న నిహారిక న‌టిస్తుంది. ఈ చిత్రాన్ని రామ‌రాజు దర్శకత్వంలో మ‌ధుర శ్రీథ‌ర్ రెడ్డి నిర్మిస్తున్నారు. మ్యూజిక‌ల్ ల‌వ్ స్టోరీగా రూపొందుతున్న ఈ చిత్రానికి సునీల్ కాశ్య‌ప్ సంగీతం అందిస్తున్నారు. త్వ‌ర‌లో జ‌ర‌గ‌నున్న ఒక మనసు ఆడియో వేడుకకు మెగాస్టార్ చిరంజీవి, మెగా ప‌వ‌ర్ స్టార్ రామ్ చ‌ర‌ణ్ ముఖ్య అతిధులుగా హాజ‌రు కానున్నారు. వీరితో పాటు నాగ‌బాబు, వ‌రుణ్ తేజ్, సాయిధ‌ర‌మ్ తేజ్ కూడా ఈ వేడుక‌లో పాల్గొంటారు. మ‌రి... బుల్లితెర‌పై బాగా పాపుల‌ర్ అయిన నిహారికా వెండితెర‌పై ఎలాంటి విజ‌యాన్ని సాధిస్తుందో చూడాలి.