తలైవా పుట్టినరోజున
- IndiaGlitz, [Thursday,June 22 2017]
సూపర్‌స్టార్‌ రజనీకాంత్, శంకర్ కాంబినేషన్‌లో రూపొందుతున్న విజువల్‌ వండర్‌ '2.0'. ఈ హిట్ కాంబినేషన్‌లో రూపొందిన 'రోబో' చిత్రానికి ఇది సీక్వెల్‌. బాలీవుడ్‌ స్టార్ అక్షయ్‌కుమార్‌ విలన్‌గా నటిస్తున్నాడు. ఎమీ జాక్సన్‌ లేడీ రోబో పాత్రలో నటిస్తుంది. లైకా ప్రొడక్షన్స్‌ ఈ సినిమాను నిర్మిస్తుంది. 450 కోట్ల భారీ బడ్జెట్‌తో రూపొందుతున్న ఈ సినిమాను వచ్చే ఏడాది జనవరి 25న విడుదల చేయడానికి నిర్మాతలు ప్లాన్‌ చేస్తున్నారు.
నిజానికి ఈ సినిమాను దీపావళి సందర్భంగా విడుదల చేయాలనుకున్నారు కానీ గ్రాఫిక్స్‌ కారణంగా సినిమా విడుదల వాయిదా పడింది. దీంతో అభిమానులు కాస్తా నిరుత్సాహ పడ్డారు. దీంతో నిర్మాతలు అభిమానులను ఉత్సాహపరచడానికి రజనీకాంత్ పుట్టినరోజు, డిసెంబర్‌ 12న థియేట్రికల్‌ ట్రైలర్‌ను విడుదల చేయాలనుకుంటున్నారని సమాచారం.