ఏపీలో కరోనా మరోసారి షాకిచ్చింది. తొలిసారిగా బుధవారం 10 వేలు దాటిన కేసులు.. నేడు అంతకంటే మరికొన్ని ఎక్కవే నమోదు కావడం గమనార్హం. ఏపీ కరోనా హెల్త్ బులిటెన్‌ను గురువారం వైద్య ఆరోగ్యశాఖ విడుదల చేసింది. గడిచిన 24 గంటల్లో 70,068 శాంపిళ్లను పరీక్షించగా.. 10,167 మందికి కరోనా పాజిటివ్‌గా నిర్ధారణ అయింది. దీంతో రాష్ట్ర వ్యాప్తంగా కరోనా కేసుల సంఖ్య 130557కే చేరింది. ప్రస్తుతం ఏపీలో 69,252 యాక్టివ్ కేసులుండగా.. మొత్తంగా 60,024 మంది కరోనా నుంచి కోలుకుని డిశ్చార్జ్ అయ్యారు.

కాగా.. గడిచిన 24 గంటల్లో కరోనా కారణంగా 68 మంది మృతి చెందగా.. మొత్తం మరణాల సంఖ్య 1281కి చేరుకుంది. అయితే కరోనాతో తూర్పు గోదావరి, గుంటూరు జిల్లాల్లో తొమ్మిది మంది, అనంతపూర్, కర్నూలు, విశాఖలో ఎనిమిది మంది, చిత్తూరు, కడపలో ఆరుగురు, ప్రకాశం, విజయనగరంలో నలుగురు, కృష్ణలో ముగ్గురు, నెల్లూరు, శ్రీకాకుళం, పశ్చిమ గోదావరిలో ఒక్కరు చొప్పున మరణించారు. నేడు కూడా ఈస్ట్ గోదావరి ల్లాలోనే అత్యధికంగా కేసులు నమోదవడం గమనార్హం.

#COVIDUpdates: 30/07/2020, 10:00 AM
రాష్ట్రం లోని నమోదైన మొత్తం 1,27,662 పాజిటివ్ కేసు లకు గాను
*57,147 మంది డిశ్చార్జ్ కాగా
*1,281 మంది మరణించారు
* ప్రస్తుతం చికిత్స పొందుతున్నవారి సంఖ్య 69,234#APFightsCorona #COVID19Pandemic pic.twitter.com/LfYawjdsT4

— ArogyaAndhra (@ArogyaAndhra) July 30, 2020