వాన పాట‌లో మ‌రోసారి...
- IndiaGlitz, [Thursday,October 12 2017]
మిల్కీ బ్యూటీ త‌మ‌న్నా ఇప్పుడు ప్రాజెక్టుల‌తో బిజీ బిజీగా ఉంది. అందులో ఒక‌టి క‌ల్యాణ్‌రామ్‌, జ‌యేంద్ర కాంబినేష‌న్‌లో రూపొందుతోన్న చిత్రంలో న‌టిస్తుంది. అలాగే క్వీన్ తెలుగు రీమేక్‌లో కూడా టైటిల్ పాత్ర‌లో క‌నిపించ‌నుంది. త‌మ‌న్నా మంచి న‌ట‌న‌తో పాటు, గ్లామ‌ర్‌తో కూడా ప్రేక్ష‌కుల‌ను క‌ట్టిప‌డేయ‌గ‌ల‌దు. త‌మ‌న్నాను వాన సాంగుల్లో చూడాల‌ని కుర్రకారు ఉబ‌లాట‌ప‌డుతుంటారు.
ర‌చ్చ, ఆవారా, బ‌ద్రినాథ్‌, బెంగాల్ టైగ‌ర్ సినిమాల్లో త‌మ‌న్నా వాన పాట‌ల్లో మెప్పించింది. ఇప్పుడు మ‌రో వాన పాట‌లో అందాల‌ను క‌నువిందు చేయ‌నుంది. వివ‌రాల్లోకెళ్తే..క‌ల్యాణ్ రామ్‌, జ‌యేంద్ర క‌ల‌యిక‌లో రానున్న రొమాంటిక్ ఎంట‌ర్‌టైన‌ర్‌లో త‌మ‌న్నా వాన పాట‌లో క‌నిపించ‌నుంద‌ని ఫిలింన‌గ‌ర్ వార్త‌లు విన‌ప‌డుతున్నాయి.