close
Choose your channels

கன்னியாகுமரியில் மேலும் ஒரு உயிரிழப்பு: கொரோனா காரணமா?

Saturday, March 28, 2020 • தமிழ் Comments

கடந்த இரண்டு நாட்களுக்கு முன்னர் கன்னியாகுமரியில் கொரோனா வார்டில் சிகிச்சை பெற்று வந்த ஒருவர் திடீரென உயிரிழந்தார். ஆனால் பரிசோதனை முடிவில் அவருக்கு கொரோனா இல்லை என்றும் அவர் கொரோனாவால் உயிரிழக்கவில்லை என்றும் தெரியவந்தது.

இதனையடுத்து தற்போது கன்னியாகுமரியில் கொரோனா வார்டில் அனுமதிக்கப்பட்டு சிகிச்சை பெற்று வந்த இன்னொருவர் உயிரிழந்துள்ளார். அவருக்கு கொரோனா பரிசோதனை செய்யப்பட்டு உள்ளதாகவும் ஆனால் அதன் முடிவுகள் இன்னும் வெளிவராத நிலையில் அவர் உயிரிழந்ததாகவும் தெரியவந்துள்ளது.

66 வயதான இந்த நபரின் மகன் கடந்த சில நாட்களுக்கு முன்னர் துபாயில் இருந்து கன்னியாகுமரி வந்துள்ளார் என்பதும், உயிரிழந்த நபரும் கேரளாவில் இருந்து சமீபத்தில் திரும்பி வந்துள்ளார் என்பதும் முதல்கட்ட விசாரணையில் தெரிய வந்துள்ளது. இந்த நிலையில் கன்னியாகுமரி நபர் உயிரிழந்ததை அடுத்து அவரது மகனும் தற்போது தனிமைப்படுத்தப்பட்டு மருத்துவர்களின் தீவிர கண்காணிப்பில் வைக்கப்பட்டுள்ளார்.

Get Breaking News Alerts From IndiaGlitz