சசிகுமாரின் புகழ்பெற்ற கேரக்டரில் அடுத்த பட டைட்டில்
- IndiaGlitz, [Friday,September 13 2019]
சசிகுமார் நடித்த முதல் திரைப்படமான ’சுப்பிரமணியபுரம்’ படத்தில் அவர் ஏற்று நடித்திருந்த கேரக்டரின் பெயரே அவரது அடுத்த படத்தின் டைட்டில் ஆகியுள்ளது
சசிகுமார் நடித்த ‘கென்னடி கிளப்’ சமீபத்தில் வெளியான நிலையில் தற்போது அவர் ’நாடோடிகள் 2’ ’கொம்பு வச்ச சிங்கம்’, ’ராஜவம்சம்’ மற்றும் நாநா ஆகிய படங்களில் நடித்து வருகிறார்
இந்த நிலையில் இயக்குனர் கிருஷ்ணகுமார் இயக்கத்தில் ஒரு படத்தில் அவர் நடிக்க இருப்பதாக சமீபத்தில் செய்திகள் இருந்தது. தற்போது அந்த படத்தின் டைட்டில் ’பரமகுரு’ என்று அறிவிக்கப்பட்டுள்ளது. சசிகுமார் நடித்த ’சுப்பிரமணியம்’ படத்தில் அவரது கேரக்டர் பெயர் பரமன் என்பது குறிப்பிடத்தக்கது
கிருஷ்ணகுமார் இயக்கத்தில் ரோன்னி ராஃபெல் இசையில் , கோபிநாத் ஒளிப்பதிவில் வெங்கட்ரமணன் படத்தொகுப்பில் உருவாகி வரும் இந்த படத்தில் மானசா நாயகியாகவும், ‘தடம்’ நடிகை வித்யா பிரதீப் இன்னொரு முக்கிய கேரக்டரிலும் நடித்து வருகிறார். ‘ஜோக்கர்’ புகழ் குருசோமசுந்தரம் இந்த படத்தின் வில்லனாக நடித்து வருகிறார்