சரத்குமார், அமிதேஷ் நடிப்பில் உருவான ’பரம்பொருள்’ என்ற படத்தின் டிரைலர் வெளியாகி உள்ள நிலையில் இந்த வீடியோ தற்போது வைரல் ஆகி வருகிறது.

சிலை கடத்தல் கதை அம்சம் கொண்ட இந்த படம் விறுவிறுப்பாகவும் திகில் நிறைந்ததாகவும் இருக்கும் என்பது இந்த படத்தின் டிரைலரில் இருந்து தெரிய வருகிறது.

காவல்துறை அதிகாரியாக சரத்குமார் நடித்திருக்கும் நிலையில் அவரிடம் சிக்கும் அமிதேஷை வைத்து சிலை கடத்தல் கும்பலை சரத்குமார் எப்படி பிடிக்கிறார் என்பதுதான் இந்த படத்தின் கதை என டிரைலரில் இருந்து தெரிய வருகிறது.

காஷ்மீரா பர்தேஷ் நாயகியாக நடித்திருக்கும் இந்த படத்திற்கு யுவன் சங்கர் ராஜா இசை அமைத்துள்ளார். அரவிந்தராஜ் இயக்கத்தில், சதீஷ் கிருஷ்ணன் ஒளிப்பதிவில், நாகூர் ராமச்சந்திரன் படத்தொகுப்பில் இந்த படம் உருவாகியுள்ளது.

செப்டம்பர் 1ஆம் தேதி திரையரங்குகளில் வெளியாகவிருக்கும் இந்த படம் சிலை கடத்தல் கதையம்சம் கொண்ட விறுவிறுப்பான திகில் படம் என்பதால் ரசிகர்கள் மத்தியில் வரவேற்பு பெறும் என்று எதிர்பார்க்கப்படுகிறது.