அட்வகேட்டையே அடிக்கிறான்னா இவன் டேஞ்சரான ஆள்தான்: 'பரோல்' டிரைலர்
- IndiaGlitz, [Tuesday,November 08 2022]
அதிரடி ஆக்சன் திரைப்படமான ‘பரோல்’ என்ற படம் வரும் 11-ஆம் தேதி வெளியாக இருக்கும் நிலையில் இந்த படத்தின் டிரைலர் சற்றுமுன் வெளியாகி இணையதளங்களில் வைரலாகி வருகிறது.
கார்த்திக், லிங்கா, கல்பிகா, மோனிஷா, வினோதினி உள்பட பலர் நடிப்பில் உருவாகியிருக்கும் ‘பரோல்’ திரைப்படத்தை துவார்க் ராஜா இயக்கி உள்ளார் என்பதும் ராஜ்குமார் அமல் இசையமைத்துள்ளார் என்பது குறிப்பிடத்தக்கது.
இந்த படம் வரும் 11ம் தேதி திரையரங்குகளில் வெளியாக இருக்கும் நிலையில் இந்த படத்தின் மூன்று நிமிட ட்ரைலர் சற்று முன் வெளியாகி வைரலாகி வருகிறது. இந்த படம் அண்ணன் தம்பிகளுக்கு இடையே நடக்கும் ஒரு அதிரடி ஆக்ஷன் படம் என்பது இந்த டிரைலரில் இருந்து தெரியவருகிறது.
முழுக்க முழுக்க ரத்தமும் சதையுமான ஆக்சன் காட்சிகள் டிரைலரில் இருப்பதால் ஆக்சன் பிரியர்களுக்கு இந்த படம் சரியான விருந்து என்று எதிர்பார்க்கப்படுகிறது.