காட்சிகள், பின்னணி இசையில் மிரட்டும் 'இரவின் நிழல்' டீசர்!
- IndiaGlitz, [Monday,May 02 2022]
பார்த்திபன் நடித்து இயக்கிய ‘இரவின் நிழல்’ என்ற திரைப்படத்தின் டீசர் வெளியாகி இணையதளங்களில் வைரலாகி வருகிறது.
உலகின் முதல் முறையாக ஒரே ஷாட்டில் எடுக்கப்பட்ட திரைப்படம் என்ற பெருமையை பெற்ற ‘இரவின் நிழல்’ திரைப்படத்தின் டீசர் வெளியீட்டு விழா நேற்று நடைபெற்றது. இந்த விழாவில் பார்த்திபன், ஏ.ஆர்.ரஹ்மான் உள்பட படக்குழுவினர் கலந்துகொண்டு டீசரை வெளியிட்டு உள்ளனர்.
இந்த டீசரின் ஆரம்பத்தில் பார்த்திபன் தன்னுடன் 5 நபர்களை அறிமுகப்படுத்தி அந்த 5 பேரும் நானே என்று கூறியுள்ள முதல் காட்சியே வித்தியாசமாக உள்ளது. மேலும் ஒன்றரை நிமிடடீசரில் உலகத்தரத்திலான மிரட்டும் காட்சிகள், இசைப்புயல் ஏஆர் ரகுமானின் அபார பின்னணி இசை ஆகியவை இந்த படத்தை உடனே பார்க்க வேண்டும் என்ற ஆவல் மிகப்பெரிய அளவில் ஏற்பட்டுள்ளதாகவும், விரைவில் படத்தை வெளியிடுங்கள் என்றும் ரசிகர்கள் கோரிக்கை விடுத்து வருகின்றனர் .
பார்த்திபன், வரலட்சுமி சரத்குமார், உள்பட பலர் நடித்துள்ள இந்த படத்திற்கு ஆர்தர் வில்சன் ஒளிப்பதிவு செய்துள்ளார். விரைவில் வெளியாகவுள்ள இந்த படத்தின் இசை வெளியீட்டு விழா ஜூன் மாதம் நடைபெற உள்ளதாக பார்த்திபன் அறிவித்துள்ளார்.