ప‌వ‌న్ 27 రిలీజ్ డేట్‌... ఫ్యాన్స్‌కు పండ‌గే..
- IndiaGlitz, [Saturday,March 07 2020]
తాజాగా సినిమాల్లోకి రీ ఎంట్రీ ఇచ్చిన ప‌వ‌న్ ‘వ‌కీల్ సాబ్‌’ షూటింగ్‌ను పూర్తి చేసే ప‌నిలో బిజీగా ఉన్నాడు. మ‌రో ప‌క్క మ‌హిళా దినోత్స‌వం రోజున ఈ సినిమా నుండి సాంగ్ కూడా విడుదల చేస్తున్నారు. కాగా.. అదే రోజున ప‌వ‌న్ త‌న 27వ సినిమా షూటింగ్‌లో పాల్గొంటార‌ని వార్త‌లు విన‌ప‌డుతున్నాయి. ఎ.ఎం.ర‌త్నం నిర్మాణంలో క్రిష్ దర్శకత్వంలో ప‌వ‌న్ 27 రూపొంద‌నుంది. హైదరాబాద్‌లో వేసిన భారీ సెట్స్‌లో ప్రారంభం కాబోయే ఈ సినిమా పీరియాడిక‌ల్ బ్యాక్‌డ్రాప్‌లో తెర‌కెక్క‌నుంద‌ని టాక్‌. మొఘ‌ల్ పీరియ‌డ్‌లో కోహినూర్ వ‌జ్రం చుట్టూ తిరిగే క‌థ‌తో సినిమా తెర‌కెక్క‌నుంద‌ట.
ఈ సినిమా వ‌చ్చే సంక్రాంతికి విడుద‌ల‌వుతుంద‌ని సోష‌ల్ మీడియాలో వార్త‌లు విన‌ప‌డిన సంగతి తెలిసిందే. అయితే అలాంటిదేమీ లేద‌ని ఈ ఏడాదిలోనే ప‌వ‌న్ 27న విడుదల కానుంద‌ని అంటున్నారు. ఇండ‌స్ట్రీలో విన‌ప‌డుతున్న స‌మాచారం మేరకు ఈ సినిమా షూటింగ్‌ను ఆగ‌స్ట్‌నాటికంతా పూర్తి చేసేసి దీపావ‌ళి సంద‌ర్భంగా న‌వంబ‌ర్ 13న విడుదల చేయాల‌నుకుంటున్నార‌ట. ఇలా ప‌వ‌న్ ఒకే ఏడాదిన రెండు సినిమాల‌తో సందడి చేయ‌డం ఇదేం కొత్త కాదు.. 1998లో ‘సుస్వాగతం’, ‘తొలిప్రేమ’తో... 2006లో ‘బంగారం’, ‘అన్నవరం’తోనూ పలకరించాడు. అలాగే 2011లో ‘తీన్ మార్’, 'పంజా'తోనూ... 2012లో ‘గబ్బర్ సింగ్’, ‘కెమెరామెన్ గంగతో రాంబాబు’ చిత్రాలతో సందడి చేశాడు.