close
Choose your channels

సంక్రాంతి బరిలో నిలవనున్న పవన్!

Sunday, February 28, 2021 • తెలుగు Comments

సంక్రాంతి బరిలో నిలవనున్న పవన్!

పవర్ స్టార్ పవన్ కల్యాణ్ హీరోగా అత్యంత ప్రతిష్టాత్మకంగా తెరకెక్కుతున్న చిత్రం ‘హరిహర వీరమల్లు’. ఈ సినిమాతో పాటు పవన్ మరో సినిమాను చేస్తున్నప్పటికీ ప్రేక్షకుల దృష్టి మాత్రం ఈ సినిమాపైనే ఉంది. ఈ సినిమాకు సంబంధించిన అప్‌డేట్స్ ఎన్ని వచ్చినప్పటికీ అభిమానులు మాత్రం ఎప్పటికప్పుడు న్యూ అప్‌డేట్ కోసం ఎదురు చూస్తూనే ఉంటారు. ఈ సినిమాపై ఉన్న క్రేజ్ అంతే మరి. క్రిష్ జాగర్లమూడి దర్శకత్వంలో తెరకెక్కుతున్న ఈ సినిమాకు సంబంధించి మరో ఆసక్తికర విషయం తాజాగా తెలిసింది.

ఈ సినిమా 2022లో సంక్రాంతి కానుకగా 2022లో విడుదల కానుంది. ఈ విషయాన్ని చిత్ర నిర్మాత ఏఎం రత్నం అధికారికంగా వెల్లడించారు. మెగా సూర్య ప్రొడక్షన్ బ్యానర్‌పై నిర్మితమవుతున్న ఈ చిత్రానికి ఎంఎం కీరవాణి సంగీతం అందిస్తున్నారు. పిరియాడిక్ డ్రామాగా ఈ చిత్రం తెరకెక్కుతోంది. పిరియాడిక్ మూవీలో నటించడం పవన్‌కు ఇదే తొలిసారి అయితే ఈ చిత్రం పవన్ కెరీర్‌లోనే భారీ బడ్జెట్ చిత్రంగా తెరకెక్కనుండటం మరో విశేషం. మొఘల్‌ చక్రవర్తి జౌరంగజేబు కాలానికి చెందిన కథాంశంతో సినిమా తెరకెక్కుతోంది.

ఈ చిత్రంలో పవన్‌కల్యాణ్‌ పేద ప్రజలకు అండగా నిలబడే బందిపోటు పాత్రలో కనిపిస్తాడు. ఈ విశేషాలన్నింటి కారణంగానే ఈ సినిమాపై అంచనాలు భారీగా ఉన్నాయి. ఈ సినిమా కోసం గండిపేట ప్రాంతాన్ని, భారీ చార్మినార్ సెట్‌ను చిత్ర యూనిట్ నిర్మించింది. ప్రస్తుతం ఈ సెట్‌లోనే షూటింగ్‌ జరుగుతోంది. నిధి అగర్వాల్‌, జాక్వలైన్‌ ఫెర్నాండెజ్‌ హీరోయిన్లుగా నటిస్తున్నారు. జౌరంగజేబు పాత్రలో బాలీవుడ్‌ స్టార్‌ అర్జున్‌ రాంపాల్‌ నటిస్తున్నాడు. ఇప్పటికే వచ్చే ఏడాది సంక్రాంతి పోటీలో సూపర్‌స్టార్‌ మహేశ్‌ 'సర్కారువారి పాట' సినిమా కూడా ఉంది.

Get Breaking News Alerts From IndiaGlitz