சமீபத்தில் வெளியான "பெருசு" திரைப்படம் ரசிகர்கள் மத்தியில் நல்ல வரவேற்பை பெற்று வருகிறது. அடல் காமெடி படமாக இருந்தாலும், குடும்பத்தோடு ரசிக்கும் வகையில், விழுந்து விழுந்து சிரிக்கும் காமெடி காட்சிகள் உள்ளதால், இந்த படம் ரசிகர்கள் மத்தியில் பெரும் வரவேற்பை பெற்றிருக்கிறது.

பெரிய பட்ஜெட் படங்கள் தோல்வி அடைந்து வரும் நிலையில், இதுபோன்ற சின்ன பட்ஜெட் படங்கள் ரசிகர்களின் ஆதரவை பெற்று வெற்றி பெறுவது தமிழ் சினிமாவுக்கு ஆரோக்கியமாக பார்க்கப்படுகிறது. அந்த வகையில், "பெருசு" படத்தில் ஒரு முக்கிய கதாபாத்திரத்தில் நடித்த ஜீவா பாலச்சந்திரன் நடிப்புக்கு ரசிகர்கள் வாழ்த்துகளை தெரிவித்து வருகின்றனர்.

இவரது கதாபாத்திரத்தை சுற்றியே படத்தின் கதை மையம் கொண்டிருப்பதாலும், இவரது நடிப்புக்கு அமோக வரவேற்பு கிடைத்துள்ளது. சமுத்திரக்கனி இயக்கத்தில் உருவான "சித்திரை செவ்வானம்" திரைப்படத்திலும் இவர் ஒரு முக்கிய கதாபாத்திரத்தில் நடித்திருந்தார்.

தற்போது, "பெருசு" திரைப்படம் அவருடைய திரையுலக வாழ்க்கையில் திருப்புமுனையாக அமைந்துள்ளது. மேலும், ஹாட்ஸ்டார் ஸ்பெஷல் வெப் தொடரான "நடு சென்டர்" வெப் தொடரிலும் ஒரு முக்கிய கதாபாத்திரத்தில் நடித்து வருகிறார். இது மட்டுமின்றி, சில மியூசிக் ஆல்பங்களிலும் முக்கிய பணிகளில் ஈடுபட்டு வருகிறார் என்பது குறிப்பிடத்தக்கது.