கொரோனா பாதிப்புக்கு பின் திரையரங்கில் வெளியாகும் பிரபலத்தின் படம்
- IndiaGlitz, [Saturday,October 10 2020]
கொரோனா வைரஸ் பாதிப்பு காரணமாக கடந்த மார்ச் மாதம் முதல் தமிழகம் உள்பட இந்தியா முழுவதும் திரையரங்குகள் மூடப்பட்டுள்ளன என்பது தெரிந்ததே
ஆனால் அதே நேரத்தில் செப்டம்பர் 1 முதல் மத்திய, மாநில அரசுகள் பல்வேறு தளர்வுகளை அறிவித்துள்ள நிலையில் தற்போது ஓரளவிற்கு இயல்பு நிலை திரும்பியுள்ளது. இந்த நிலையில் அக்டோபர் 15 முதல் திரையரங்குகளையும் ஒரு சில நிபந்தனைகளுடன் திறக்க மத்திய அரசு அனுமதித்துள்ளது
இதனை அடுத்து நாடு முழுவதிலும் உள்ள திரையரங்கு உரிமையாளர்கள் வரும் 15ஆம் தேதி முதல் திரையரங்குகளை திறக்க தயார் நிலையில் உள்ளனர். இந்த நிலையில் அக்டோபர் 15-ஆம் தேதி திரையரங்குகளில் திறந்தவுடன் நாடு முழுவதும் வெளியாகும் முதல் படமாக பிரதமர் நரேந்த மோடி அவர்களின் வாழ்க்கை வரலாறு திரைப்படமான ‘பிஎம் நரேந்திரமோடி’ என்ற திரைப்படம் வெளியாகவிருப்பதாக தகவல் தற்போது வெளிவந்துள்ளது
கொரோனா பாதிப்புக்கு பின் முதல் படமாக திரையரங்குகளில் ’பிஎம் நரேந்திர மோடி’ என்ற திரைப்படம் வெளியாக உள்ளது என்பதும் இந்த படத்தில் நரேந்திர மோடி கேரக்டரில் பிரபல பாலிவுட் நடிகரும் அஜித் நடித்த ‘விவேகம்’ படத்தில் வில்லனாக நடித்தவருமான விவேக் ஓபராய் நடித்துள்ளார் என்பதும் இந்த படம் ஏற்கனவே கடந்த ஆண்டு மே மாதம் ரிலீஸாகி நல்ல வெற்றியை பெற்றது என்பதும் குறிப்பிடத்தக்கது
View this post on InstagramA post shared by Sandip Ssingh (@officialsandipssingh) on Oct 9, 2020 at 9:40pm PDT