மகனுக்கு 'தளபதி விஜய்' என பெயர் வைத்த வெறித்தனமான ரசிகர்
- IndiaGlitz, [Saturday,February 02 2019]
தளபதி விஜய்க்கு தமிழகத்தில் மட்டுமின்றி அண்டை மாநிலங்களிலும், இலங்கை உள்ளிட்ட வெளிநாடுகளிலும் கோடிக்கணக்கான ரசிகர்கள் இருப்பது தெரிந்ததே. விஜய்யின் படம் வெளியாகும்போதெல்லாம் அவரது வெறித்தனமான ரசிகர்கள் திருவிழா போல் கொண்டாடுவது தெரிந்ததே.
இந்த நிலையில் புதுவையை சேர்ந்த தளபதி விஜயயின் ரசிகர் ஒருவர் தனது மகனுக்கு 'தளபதி விஜய்' என்று பெயர் வைத்து அதை பிறப்பு சான்றிதழிலும் பதிவு செய்துள்ளார்.
புதுவை மண்ணாடிப்பட்டு பகுதியை சேர்ந்த கிருஷ்ணகுமார் என்ற விஜய் ரசிகருக்கு கடந்த டிசம்பர் 28ஆம் தேதி ஆண் குழந்தை பிறந்தது. அந்த குழந்தைக்கு தான் ரசிக்கும் நடிகரான 'தளபதி விஜய்' என்ற பெயரை வைத்துள்ளார். இந்த குழந்தையின் பிறப்பு சான்றிதழ் சமூக வலைத்தளத்தில் வைரலாகி வருகிறது.