வெங்கட்பிரபுவின் அடுத்த படத்தில் பூஜா ஹெக்டே? ஹீரோ யார் தெரியுமா?
- IndiaGlitz, [Friday,February 18 2022]
வெங்கட் பிரபு இயக்கிய ‘மாநாடு’ திரைப்படம் மிகப்பெரிய ஹிட் ஆனதை அடுத்து அவரது இயக்கத்தில் உருவான ’மன்மதலீலை’ திரைப்படம் விரைவில் ரிலீஸ் ஆகவுள்ளது. இந்த நிலையில் வெங்கட்பிரபு இயக்கும் அடுத்த படத்தில் பூஜா ஹெக்டே நடிக்க இருப்பதாகவும் இந்த படம் குறித்த அறிவிப்பு விரைவில் வெளிவரும் என்றும் கூறப்படுகிறது.
‘மாநாடு’ ’மன்மதலீலை’ படங்களை அடுத்து வெங்கட்பிரபு இயக்கும் படம் குறித்த அறிவிப்பு விரைவில் வெளியாகும் என்று எதிர்பார்க்கப்பட்ட நிலையில் தற்போது அவரது அடுத்த படம் ஒரு முழுக்க முழுக்க ரொமான்ஸ் படம் என்றும் இந்த படத்தில் பிரபல தெலுங்கு நடிகர் நாக சைதன்யா ஹீரோவாகவும், பூஜா ஹெக்டே ஹீரோயினியாகவும் இருவரும் நடிக்க உள்ளதாகவும் கூறப்படுகிறது
இந்த படம் குறித்த பேச்சுவார்த்தை நடைபெற்று வருவதாகவும் இன்னும் ஒரு சில நாட்களில் அதிகாரப்பூர்வ அறிவிப்பு வெளிவரும் என்றும் கூறப்படுகிறது. ஏற்கனவே நாகசைதன்யா மற்றும் பூஜா ஹெக்டே ஆகிய இருவரும் கடந்த 2014 ஆம் ஆண்டு ஒரு தெலுங்கு படத்தில் இணைந்து நடித்திருந்தனர் என்பதும், தற்போது மீண்டும் இணைய உள்ளனர் என்பது குறிப்பிடத்தக்கது
பூஜா ஹெக்டே நடித்த தளபதி விஜய்யின் ‘பீஸ்ட்’, பிரபாஸின் ’ராதே ஷ்யாம்’ சிரஞ்சீவியின் ’ஆச்சாரியா’ ஆகிய மூன்று திரைப்படங்களும் அடுத்தடுத்து ரிலீஸ் ஆகவுள்ளது என்பது அனைவரும் அறிந்ததே.